Génesis 13:8 - Biblia Mixe de Quetzaltepec

⁸ Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Biblia Dc en Mixe de Quetzaltepec

⁸ Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Génesis 13:8 ပူးပေါင်းရင်းမြစ်များ

Hechos 7:26

Komjëpom ja Moisés tpaty ja jyä'äy, Israel ja'ayëty nimäjtsk jam tsyiptuntë aak yë'ëjëty. Tääts t'ënëmaay: këtii aak miits mtsiptuntë, mtu'kmëku'uk miitsëty. ¿Tii ko mnätsyiikëtë?

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

2 Pedro 1:7

ets ko m'itë ijxtëm ja Tios tsokyën, ënät xytsyoktëty ja mëku'uktëjkëty; ets ko ënäty xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

Proverbios 20:3

Kumay yë ja'ay nyäxy mëti'ipë jëtu'unyë yajxe'empyën yë näy'ojë, je'eyëp ko ka'ap tyëkoy'äty yë tsuuja'ay mëti'ipë jatëkok yajtso'ontäkpyën.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Génesis 45:24

Ko yë José nyäy'ëxmajtsë mëët yë myëkä'äxtëjk, ënät ojts tjaakënëëmë: Tyam miitsëty n'ënëëmëtë, ko këtii je'eyë tu'u'aay mnäy'oj mnäya'axëtëty. Ënät ojts tsyo'onëtë.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Tios ets ja yajkutujkpë kopk.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Tios kë'ëm mtuknijawëtë wi'ix mnätsyok mnäjyawëtëty nixim niyam.

Filipenses 2:14

Tuntë winë yajxon ets ka'ap y'atsip y'a'äkëty,

Mateo 5:9

Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Tios u'unkniwa'ananëtëp.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Éxodo 2:13

Komjëpom ojts jatëkok jam nyëjkxkojnëpë ma ja myëkunaax myëkukajpnën, tä t'ijxpaty, ko nimäjtsktëm jam ja hebreo ja'ay aakyë'ë tsyiptuntë. Tä tyajtëëy ja mëti'ipë ja myëku'uk ënäty nëkoo tsyi'kpyën: ¿Tii ko nëkoo ëxëëk mnäytyunëtë, miitsëty ka'ap jëtu'un mjapaatëtë pën mtu'kmëku'uk'ajtëp miitsëty?

Génesis 13:9

Ijxtëm xy'ixyën tää naaxwiinyëtë jyätyë, win'ix mëti'ipë mtsojkën'ajtyp. Tyam npëjktsoy ets xytyunëty yë mëyajtën, xy'ixta'ajëty yë mnaax mkam ets ëpëkyäty n'ijtmëty. Pën mijts mnëjkxp anëkëjxytsyow, ëjts kunak'äämpyës nëjkxëty. E pën mijts mnëjkxp kunak'äämpy, ëjts anëkëjxytsyowës nëjkxëty.

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 14:14

Ko yë Abram tnija'awëy ko yë tsyojkmaank të yajmatsy, ënät ojts tyajmujkta'ay yë tyuunpëtëjk mëti'ipë të myëxu'unk'atën jam ma tyëjkën. Jä'ä nyiwinë'atë tëkëëk mëko'px ja majkmokx tëkëëk. Ënät ojts tsyoony mëët yë'ëjëty ets tpapooytyë ja yajkutujkpëtëjk, jampaat tpaja'ajtë ma ja Dan kajpnën.

Jueces 9:26

Tu'kxëëw tu'kjëmëjt tu'uk yë ja'ay mëti'ipë xyëëwajtypyën Gáal, ojts nyijkxy jam Siquem ets ja myëku'uktëjk tku'ixëja'any, ko jam jyä'äjty ojts ja jyä'äy tpaaty mëti'ipë mëët nyäy'oyjyawëtyën.