Génesis 13:13 - Biblia Mixe de Quetzaltepec

¹³ Ja ja'ayëty ja jampë tsyëënëtën Sodomë ëxëëk ënäty jyä'äy'atë. Ets aakjä'ä ënäty ja pokytyuuntëp, mëti'ipë Tios ka'ap ninu'un tsokyën.

Biblia Dc en Mixe de Quetzaltepec

¹³ Ja ja'ayëty ja jampë tsyëënëtën Sodomë ëxëëk ënety jyä'äy'atë. Ets aakjä'ä ënety ja pokytyuuntëp, mëti'ipë Dios ka'ap ninu'un tsokyën.

Génesis 13:13 ပူးပေါင်းရင်းမြစ်များ

2 Pedro 2:10

Tios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Tios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

Judas 1:7

Ijxtëm ja anklëstëjk ja Tios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Tios yajkutëkooyëtë mëët ja jëën. Jëtu'unts ja Tios ja nija'awën të xymyo'oyëmë.

Romanos 1:27

Näyjyëtu'un ja ye'etyëjkëty ka'ap t'ëkmëët'ijnëtë ja to'oxytyëjk, aak ye'etyëjk ja tsojkën ja'awën tmëët'ajnëtë. Aak ye'etyëjk ëxëëkjaty y'ëtë'ëtsnëtë y'ënanëtë, ets ënät kë'ëm nyätyuktëytyunëtë ko tii wiinkjaty tuntë tkajpxtë.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Mateo 9:13

Nëjkxtë ets xy'ijxpëktëty ja Tios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Génesis 18:20

Ënät ojts ja Wintsën y'ënä'äny: Yë ja'ayëty mëti'ipë juuky'ajtëpën Sodomë ets Gomorra, ëxëëk jyuuky'atë ets pyokyëty mëj këjää të y'awinpijnë.

Juan 9:31

Wa'ats ëëts nnija'awëmë ko yë Tios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

Mateo 9:10

Jëtu'un ojts tëkok jyäty kyëpety ma tu'uk yë tëjkën, kääpy ënäty yë Jesús jam ko myäymyiintë yajkukëpäjtpëtëjkëty, Roma myëtuuntëp ets ja ja'ay mëti'ipë yajtijtëpën pokyjä'äytyëjkëty ets nyaaxwä'tstë mëët ja Jesús ets ja y'ijxpëjkpëtëjk.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

1 Samuel 15:18

Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

Génesis 38:7

Yë Er ëxëëk ënäty yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Tios ka'ap t'oy'ixyën, paaty yë jyuukyajtën ojts tpëjkë.

Génesis 15:16

Koonëm ënäty të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënäty kyukëxënëm ma ja Amor ja'ayëty ja ëxëëkpë tuntën tkajpxtën.

Génesis 10:9

Nimrod jëyujk majtsp ijty. Tios ojts jëtu'un tyajkutuky jyëyujkmatsëty. Jää ja ayuk tsyoony mëti'ipë ënaanpën: jä'ä ko yë Wintsën jëtu'un tyajkutujky Nimrod jëyujk majtsp ijty.

Génesis 6:11

Ma ja Tiosën ujts ënäty ja naaxwiinyëtë yajpaaty mëët ja ëxëëktu'un ëxëëk kajpxën.

Juan 9:24

Ojts ja jutiis ja'ayëty jatëkok twowtë ja mëti'ipë ënäty wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Tios?

Números 32:23

E ko jëtu'un xykyatuntëty, nijawëtë yajxon ko yë Wintsën ënäty mëtëkooytyëp ets ya'atë poky mëti'ipë të xytyuntën, nëjkxëp jëna'a xykyumëtowtë.

Génesis 19:13

Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Tios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

1 Samuel 2:17

E jëtu'unkyëjxm ja poky, mëti'ipë ya'atë ëna'ktëjk tyuuntëpën mëj këjää ënäty nyipäjnë jam Tios wintum, jä'ä ko yë'ë ënäty tyuk'ëyë'këtëp ja Wintsën ja wyintsë'kën.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.