Génesis 13:10 - Biblia Mixe de Quetzaltepec

¹⁰ Ënät ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënäty ya'atë naax kajpn yajpaaty ma ka'anëm ja Tios ja Sodomë kajpn ets Gomorra kajpn tyajkutëkoynyëmën.

Biblia Dc en Mixe de Quetzaltepec

¹⁰ Ënet ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënety ya'atë naax kajpn yajpaaty ma ka'anëm ja Dios ja Sodomë kajpn ets Gomorra kajpn tyajkutëkoynyëmën.

Génesis 13:10 ပူးပေါင်းရင်းမြစ်များ

Deuteronomio 34:3

nyajxë'ëky jam ma ja Négueb y'itjotën ets ma ja Jordán mëj joyjyotën, mëti'ipë ja Jericó nyitënääpyën, mëti'ipë ijty yajtijpën Tëëxykyepy kyajpn ets jyä'ty jam Zoar.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Génesis 14:8

Ënät ja yajkutujkpëtëjk, mëti'ipë tsënaaytyëpën ma ja kajpnën Sodomë, Gomorra, Admá, Seboím ets Belá, ojts nyëjkxtë ma ja it naaxwiinyëtë txëëwatyën Sitim. Jam ojts tääpë nimëkoxkpë yajkutujkpëty tsyiptuntë mëët yë yajkutujkpëty Quedorlaomer, Tidal, Amrafel ets Arios, mëti'ipë nimajktaxk yajkutujktëpën ma ja kajpnën Elám, Goím, Sinar ets Elásar.

Joel 2:3

Ja mu'u jëtu'un wyinkony tä jëënën mëti'ipë yajtooytyëkoopyën winë; ka'anëm jyä'ty ko winë tyëtsta'ay ets oy tëë jyanajxnë je'eyëm tyooy'ëti'itsy. Ja itjot mëti'ipë ijty janty'oy këxë'kpën ma ënäty ka'ap ja jëën nyäxynyëmën, ko nyäxy anë'ëk tëëtsë'ëk jyaak yaj'ixy. Nitii kyatso'oky ma yë'ëjën.

Génesis 14:2

Ojts tsyiptuntë mëët yë Bera mëti'ipë yajkutujkpën jam Sodomë, mëët yë Birsá mëti'ipë yajkutujkpën jam Gomorra, mëët yë Sinab mëti'ipë yajkutujkpën Admá, mëët yë Seméber mëti'ipë yajkutujkpën Seboím ets mëët ja yajkutukpë mëti'ipë jam yajkutujkpën Belá ets ma ja Zoar kajpnën.

Ezequiel 28:13

Jam ënäty Edén myajpaaty ma ja Tios tmëëtëtyën yë y'ujts tsa'am kam, mëti'ipë myëët'ajtypyën oyëtypë tsaa, tsapts tsaa, të'kxy tsyaa; yëktsuxk tsaa, pu'ts tsaa, uky tsyapts tsaa; tsu'unk tsaa, tsuxk uky tsyaa, uky tsyaa ets tsuxktsaa; yë mnantsëm ets mtatsktëy aakyë'ë pu'ts pujxn, mëti'ipë myajtuknikojëyën ma ënäty ka'anëm mkojynyëmën.

1 Reyes 7:46

Ja yajkutujkpë jam tyajkëëwtaay ma ënäty të tni'oytyunën jinjoty, jam Jordán y'itjotm, itkujky wyi'imy ma Sucot mëët yë Saretán nyäpyäätyë.

Ezequiel 31:8

Nimëti'ipë ajë kepy tkamëpaatëty mëti'ipë tënääpyën ma Tios yë kyepy kyamën tä tääpë kepyën; nimëti'ipë tsiin jëtu'un kya'ixëty tä yë'ëjën, nimëti'ipë castanyë kepy jëtu'un kyamayëty yë y'ääy, nimëti'ipë kepy jëtu'un oy tsuj kyakëxë'ëky mëti'ipë jam tënaaytyëpën ma Tios yë kyepy kyamën tä tääpë kepyën.

Jeremias 48:34

Jëëytyëp yaxtëp yë Hesbón ja'ayëty mëët yë pëjkën ijxën, tëë tnijawëtë yë Elalé ja'ayëty ets Jahas ja'ayëty; tëë tnijawëtë yë Soar ja'ayëty, yë Horonaim ja'ayëty ets Eglat-selisiya ja'ayëty, jä'ä ko yë'ëpaat yë nëëkopk të tyëtsnë mëti'ipë jamën Nimrim.

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Génesis 6:2

Yë Tios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënät ojts twin'ixtë aakjä'ä oyëtypë ets mëët pyëjktë y'uktë, mëti'ipë ënäty tyimtsojkën'ajtëpën.

Génesis 3:6

Ënät ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Génesis 11:27

Ya'atë jëtu'un ja y'u'unk y'ok yë Taré mëti'ipë tyeety'ajtën yë Abram, Nahor ets Harán. Harán, yë tyeety yë Lot,

Génesis 13:9

Ijxtëm xy'ixyën tää naaxwiinyëtë jyätyë, win'ix mëti'ipë mtsojkën'ajtyp. Tyam npëjktsoy ets xytyunëty yë mëyajtën, xy'ixta'ajëty yë mnaax mkam ets ëpëkyäty n'ijtmëty. Pën mijts mnëjkxp anëkëjxytsyow, ëjts kunak'äämpyës nëjkxëty. E pën mijts mnëjkxp kunak'äämpy, ëjts anëkëjxytsyowës nëjkxëty.

Génesis 13:11

Yë'ë ojts ja Lot twin'ixy ja joyjotm, mëti'ipë jam yajpatpën ma ja Jordán mëjnëëjën. Jamtsow ojts awinm nyijkxy tsënääpyë ma ënäty jam të y'itën, jëtu'un ojts ja Abram mëët ja tsyojkmaank Lot nyäyajwa'kxënëtë.

Génesis 47:6

Yë naaxwiinyëtë mëti'ipë Egiptë jyä'ä'ajtypyën yë'ë näjyëtu'un jyä'ä'ajtëp, paaty mijts mo'o yë it naaxwiinyëtë jam Gosen, tampë it naaxwiinyëtë yë'ëjën wäänë oy mëti'ipë naax kajpn jyä'ä'ajtypyën, jamts tsyëënëtëty jyuuky'atëty. Ets pën mnija'ap ko yë mmëkä'äxtëjk oy tkëwent'atë yë jëyujk, tukëwent'atë yë njëyujk ntsajpkaajës.

Job 40:23

Oy yë nëë jyakomy ka'ap y'ëtsë'ëkëty; oy yë nëë jyaku'ty jyëjpkëjxy yë'ë akujk jotkujk yajpaaty.

Ezequiel 16:46

Ja mtsë'ëtaak yë'ë ojts nyijkxy anëkëjxytsyow, ma Samaria kajpnën ets Samaria nyaaxjotmën; e ëpa'tkë'ëmtsow yë'ë ojts jam nyijkxy yë m'uty to'oxytyëjkpë, ma Sodomë kajpnën ets Sodomë nyaaxjotmën.

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.

Ezequiel 31:9

Janty oy ojts nyajyony nyajjiitsyës, mäjpxy yë nyi'aay; yë wiinkëtypë kepy mëti'ipë jamën Edén, ma ja Tios ja kyepy kyamën, wiink ijxëtëp ijty.

Ezequiel 47:18

Ja tsëpa'an xëëwpëtsëmtsyowpë nyäxyën jam nëjkx tsyoony Haurán ets Damaskë ets nëjkx jyä'ty jam Tamar, ma Ookpyë Mejyën, yë'ë pyaye'eyëp yë Jordán nëë, yë'ë nëjkx tsyëpa'an'aty ma mëët nyäpyaatëtëtyën yë Galaad ets Israel y'itjot.