Génesis 12:8 - Biblia Mixe de Quetzaltepec

⁸ Ënät ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënäty wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Tios ja xyëëw.

Biblia Dc en Mixe de Quetzaltepec

⁸ Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Génesis 12:8 ပူးပေါင်းရင်းမြစ်များ

Nehemías 11:31

E ja jyä'äy ja Benjamín jam tsyënaaytyaknpëjktë Gueba, Micmás, Aías, Betel mëët ja nyinaax nyikamtëjk;

Génesis 4:26

Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Tios.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Tios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Génesis 28:19

Ma tampë ja it naaxwiinyëtën tam ënäty tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Génesis 13:4

Yaa ja naax kam wyi'imy ma ojts tyaj'oyën tu'uk ja wintsë'këntyakn ets jam ja Wintsën tmënu'kxtäky.

Hechos 2:21

Ets ni'ëmukë ja ja'ayëty mëti'ipë ja Wintsën ja xyëëw kyajpxpatëpën, jä'ä nëjkx nyitso'oktë. Tääts ja Pedro jyaak'ënany:

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Isaías 10:28

Jam jyä'ty Aíat, Migrón nyäxy, jam Micmás ja tsyimy kyi'iy tyajwë'ëmy,

Salmos 116:4

Ënätës ojts ja Wintsën ja xyëëw npa'tmëkäjpxy etsës ojts nmënu'kxtä'äky tääts tyajtso'okëty ja njuukyajtënës.

Josue 18:22

Bet-arabá, Semaraim, Betel,

Josue 8:17

Nitu'uk ojts yë tsiptuunpë kyawë'ëmy jam Aí ets Betel, jä'ä ojts tpatso'onta'atë ja Israel ja'ayëty ko kyäktë, tääts ja kajpn ojts jëtu'unyë t'ëxmatstë, ka'ap jap pën ja kuwaanpë.

Josue 8:3

Ënät ja Josué ojts tyajtu'ukmujkta'ay ja tsyiptuunpëtëjk ets t'ijxka'pxtaay. Tääts tnitëkëja'antë ja Aí kajpn. I'px majk mil twin'ijxy ja tsiptuunpëtëjk mëti'ipë yajxon tsip'ixyëtyën mëti'ipë ojts koots tkexyën,

Josue 7:2

Yë'ë Josué ojts jëyëjp tkexy yë ja'ay jam Aí mëti'ipë tso'ontën Jericó ets nëjkx t'ixtë tuntë ja naax kajpn wi'ix yajpaatyën, tääpë kajpn a'oytsyow ënäty wyi'imy mëët yë Betel, winkon ma txëëwatyën Bet-avén. Ja ja'ayëty ojts jam nyëjkxtë ets ojts y'ixtë tyuntë.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Tios ënäty të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Tios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Génesis 13:3

Ko ojts Négueb tsyoony, ëtyä'äkyë'äämpy ojts nyijkxy ets jyä'äjty ma ja Betel kajpnën. Jam Betel tsyo'ony ets ojts jyä'ty ma ënäty wäänë të y'ëk'ijtpën më''ëka'any, mëti'ipë itkujky wë'ëmpën ma Betel mëët yë Aí nyäpyäätyë.

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Génesis 22:9

Ko ojts jya'të jam ma ja itjotmën ma ënäty ja Tios të tyuk'ënë'ëmxëtyën. Ënät ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënäty ja wintsë'këntyakn të tni''ixën.

Génesis 26:25

Ënät ja Isaac jam tu'uk tya'o'oyëy yë wintsë'këntyakn, ma ja Tios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

Josue 8:9

Ënät ja Josué ojts tkexy ja ja'ayëty ets jam nyäyu'utsëtëty ma Betel mëët nyämyëwinkon'atyën yë Aí, anajnytsyow ma Aí yajpaatyën. E ja Josué jam ojts wyi'imy ma ja tsyënaaytyaknëtyën.

Josue 8:12

Josué jä'ä ënäty yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

1 Samuel 30:27

Ojts näjyëtu'un tuknikexy ja näynyamo'ojë ja myëku'uktëjk mëti'ipë jam yajpatëpën Betel, Ramot ma Négueb y'itjotmën, jam Jatir,

Génesis 31:25

Yë Labán jam ojts tnajtspaatë yë Jacob ma ja Galaad kopkjotmën, ma ënäty ja Jacob të jyajtä'äkyën, najamtëkë tni''ijxëtyë ja jya'ajtakn myaatakn ja Labán mëët ja myëku'uktëjk, winkon ma ënäty ja Jacob jam näjyëtu'unën

Génesis 33:20

Ënät näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Tios t'ixy, ko ënäty ja y'äjty tkuke'eky.

Éxodo 17:15

Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Tios yë'ëjës nwitwintëy'äjtyp,

Josue 8:30

Jam ma Ebal kopkën, jam ojts yë Josué tu'uk wintsë'këntyakn tyaj'oyë ma Wintsën mëti'ipë Israel ja'ayëty Tyios'ajtëpën yajmëjjawëty.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.