Génesis 12:6 - Biblia Mixe de Quetzaltepec

⁶ Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënäty jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënäty tsyëënëtë ma ja jampë ja it naaxwiinyëtën.

Biblia Dc en Mixe de Quetzaltepec

⁶ Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënety jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënety tsyëënëtë ma ja jampë ja it naaxwiinyëtën.

Génesis 12:6 ပူးပေါင်းရင်းမြစ်များ

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Tios ënäty të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Deuteronomio 11:30

Ya'atë mäjtskpë kopk jam yajpaaty nëë'awinaxy ma Jordán nëëjën, jamtsow yajpaaty anajnytsyow ma Canaán ja'ayëty tsyëënëtën jam joyjyotm. Yë'ë mëët nyäwyinku'ixëty yë Guilgal yë y'itjot, winkon ma ja xojjotmën jampë yajpaatyën Moré.

Génesis 35:4

Tä tukkë'ëtëjkëtyääytyë ja Jacob, tu'kë'ëyë mëti'ipë ënäty ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Jueces 7:1

Gedeón mëti'ipë ënäty të txëëwmo'otën Jerubaal ets tëkokyë mëti'ipë ënäty jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënäty të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

Génesis 13:7

Jä'ä ko mëti'ipë ënäty jëyujkëwent'ajtpën tsajpkääky kyëwent'ajtëpën ma ja Abramën, xëmë nyäy'ojtëtë mëët ja mëti'ipë jëyujkëwent'ajtp tsajpkääky kyëwent'ajtëpën ma ja Lotën. E yë Canaán ja'ayëty ets Ferez ja'ayëty tam ënäty näjyëtu'unëty.

Hechos 7:16

Tääts ja wyääy pyajk ojts tyajnëjkxtë Siquem y'itjotm ma ënäty ja Abraham të tjuyën tu'uk ja aank mëti'ipë ja Hamor y'u'unk tukmëto'kën.

Juan 4:5

Tääts jyä'äjty ma ja Sicar kajpnën, samaariëtë y'itjot; winkon ma ja naaxjotmën mëti'ipë ja Jacob tyukumaayën ja myaank José.

1 Reyes 12:1

Yë Roboam jam ojts nyijkxy Siquem, jä'ä ko aakjam ënäty të nyëjkxta'atë ja Israel ja'ayëty ets yë'ë yajnikajpxpäta'any yajkutujkpë.

Jueces 9:1

Ënät yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënäty ja tyaak mëët nyämyëku'uk'atyën, ets t'ënëmaay:

Josue 24:32

Ja José ja wyääy pyajk, mëti'ipë ënäty yë Israel ja'ayëty jap Egiptë kajpnjoty të tmëtsoontën, jam ojts tnitajtë ma ja Jacob ja nyaaxën mëti'ipë jyuuyën. Yë'ë ojts tyukmëtookyë yë Hamor, Siquem yë tyeety ets ojts tsyoowpatxëty mëko'px yë poop pujxn meeny, kom'ok yë'ë yajtukumaaytyë yë José y'u'unk y'ok.

Josue 20:7

Ënät ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Génesis 34:2

E jam ënäty tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënäty mëj'äämpy ijtëpën ma ja jampë ja naax kajpnën. Ënät ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 33:18

Ko yë Jacob tsyo'ony jam Padán-aram, oy mëk jam jyä'äjty Canaán ets jam tsyënaaytyaknpëjky winkon ma ja it naaxwiinyëtë txëëwatyën Siquem.

Génesis 10:15

Canaán, yë Sidón yë tyeety mëti'ipë ojts mëtu'uk t'u'unk'atyën ets Het.

1 Reyes 12:25

Jeroboam ojts t'akojë ja kajpn mëti'ipë ijty yajtijpën Siquem, ma Efraín nyaaxjotmën ets jam tsyënaaytyaknpëjky. Ojts näjyëtu'un t'akojë ja kajpn mëti'ipë ijty yajtijpën Penuel.

Salmos 60:6

Jëtu'un yë Tios të y'ënä'äny ma tsyajptëjkën: Janty wi'ixpëmës jotkujk nnäjyawëja'anyë koos npëjkwä'kxa'any ja it naaxwiinyëtë mëti'ipë txëëwajtpën Siquem ets koos näjyëtu'un nyajwa'kxëty yë Sucotpë.

Génesis 34:30

Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

Oseas 6:9

Yë teetytyëjkëty mä'tspë të y'awinpijnëtë, je'eyë t'ix'ijx tpa'ijxnëtë ja'ay; näjyëtu'un yaja'ay o'knëtë në'ë'am tu'u'am mëti'ipë nëjkxpën Siquem.