Génesis 12:15 - Biblia Mixe de Quetzaltepec

¹⁵ Näyjyëtu'un yë yajkutujkpë yë tyuunpëtëjk janty'oy ojts t'ixtë ja Sara. Ënät ojts ninëjkxtë ja yajkutujkpë mëti'ipë jap Egiptë ënä'ämpën ets tukmëmëtyaktë ko ja to'oxytyëjk ënäty janty'oy, janty tsuj të t'ixtë. Tääts twoowmiintë ja to'oxytyëjk ma ënäty ja mëj'ënä'ämpë jap yajkutukyën.

Biblia Dc en Mixe de Quetzaltepec

¹⁵ Näyjyëtu'un yë yajkutujkpë yë tyuunpëtëjk janty'oy ojts t'ixtë ja Sara. Ënet ojts ninëjkxtë ja yajkutujkpë mëti'ipë jap Egiptë ënä'ämpën ets tukmëmëtyaktë ko ja to'oxytyëjk ënety janty'oy, janty tsuj të t'ixtë. Tääts twoowmiintë ja to'oxytyëjk ma ënety ja mëj'ënä'ämpë jap yajkutukyën.

Génesis 12:15 ပူးပေါင်းရင်းမြစ်များ

Génesis 20:2

Ko ojts jam jyä'ty Guerar, tä y'ënäny ko yë Sara, yë Abraham yë tyo'oxytyëjk, y'uty ënäty. Paaty yë Abimélec mëti'ipë jam ënä'ämpë'ajtpën Guerar, ojts tnikäxë yë Sara ets to'oxytyëjk'ata'any

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Jeremias 46:17

Tääts xytyimtijnëtëty ja Egiptë yajkutujkpë: Tääpë faraón nëkoo jyaak ne'emy; ka'ap tii të tuny ma jeexyë të jyotmëk'atyën.

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

Proverbios 6:29

Mëti'ipë näyajkujo'pëpën mëët yë wiink to'oxytyëjk, ëxëëk tmëjata'any.

Salmos 105:4

Yë'ë mëjwa'kpätë yë Wintsën ets myëk'ajtën, mëjwa'kpätë yë Wintsën oy tyimjëna'ajëty.

2 Reyes 18:21

Ëjts jëtu'unës n'ixy ko mijts yë'ë yowë mtuk'ijxpejtyp yë Egiptë. Oy, ka'ap tääpë wyi'ixëty, je'eyëp ko yi'iyë mnijawëp, ko yë Egiptë yajkutujkpë jëtu'un yë'ë tä tu'uk yë waxk kepyën, ko nmajtsmëty ets njatajk'ata'anmëty poj'am y'u'kxy xykyë'ëtëjkëmëty. Yë faraón jëtu'un yë naax kajpn tuny mëti'ipë tuk'ijxpäjtëpën.

1 Reyes 3:1

Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënäty jam kyojnyëmën ja këmoontëjk, tsajptëjk ets ja Jerusalén kajpn ja nyapots.

Éxodo 2:15

E jä'ä ënät ja yajkutujkpë ko tnija'awëy, ko ënäty tëë ja Moisés tu'uk ja Egiptë ja'ay tyaj'ooky. Ënätyë ojts tni'ënä'ämë ets t'ëxta'atëty ets ko tpaatëty tyimyaj'ooktëp. Yë Moisés ënätyë ojts kye'eky, jam ojts nyijkxy tsënääpyë ma tu'uk ja it naaxwiinyëtë txëëwatyën Madián. Ko jam jyä'äjty, jam winkon nyaaxwe'tsy ma tu'uk yë nëëjutën.

Éxodo 2:5

Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënäty nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënät tu'uk ja tyuunpë tuknikejxy ets nëjkx tjuuty ja katsy.

Génesis 41:1

Kommäjtsk jëmëjt, tu'uk xëëw ojts yë yajkutujkpë wyinkuma'ay, jam nyäjyawëty tyänë ma mëjnëëpa'ajën, mëti'ipë xyëëwajtypyën Nilë.

Génesis 40:2

Ënät yë yajkutujkpë ojts tukjoot'anpëjky ja nimäjtskpë ja ja'ayëty, mëti'ipë nyiwintsën'ajtypyën ja uuky ets ja tsajpkääky.

Ezequiel 32:2

Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Jeremias 25:19

Tëës näjyëtu'un ntuk'uuky yë faraón, mëti'ipë jap Egiptë ënä'ämpën, mëët yë wyintsëntëjk ets tyuunpëtëjk ets tu'kë'ëyë jyä'äy,

Génesis 12:14

Ko yë Abram jya'ajtë jap Egiptë, ënät yë Egiptë ja'ayëty ojts y'ëna'antë ko yë Sarai janty'oy, janty tsuj y'ixë'aty.

Génesis 26:7

E ko ja ja'ayëty ënäty tyajtëwtë ja Isaac mëëtkyëjxm ja Rebeca. Isaac tsë'këp ënäty y'ëna'anëty ko to'oxytyëjkëty. Paaty je'eyë t'ënëmaay ko t'utyëty. Rebeca janty'oy ijty y'ixëty. Tä ja Isaac myäy tyäjy, ko ja ja'ayëty y'ëktukyajku'o'kënëty, mëët ko ja tyo'oxytyëjk y'oyëty.