Génesis 12:11 - Biblia Mixe de Quetzaltepec

¹¹ Ko jap Egiptë jyä'äjty, ënät ja Abram ja tyo'oxytyëjk Sarai t'ënëmaay: Ëk'ix, ëjts wa'atsës nijawë ko mijts m'oyëty mtsujëty.

Biblia Dc en Mixe de Quetzaltepec

¹¹ Ko jap Egiptë jyä'äjty, ënät ja Abram ja tyo'oxytyëjk Sarai t'ënëmaay: Ëk'ix, ëjts wa'atsës nijawë ko mijts m'oyëty mtsujëty.

Génesis 12:11 ပူးပေါင်းရင်းမြစ်များ

Génesis 26:7

E ko ja ja'ayëty ënäty tyajtëwtë ja Isaac mëëtkyëjxm ja Rebeca. Isaac tsë'këp ënäty y'ëna'anëty ko to'oxytyëjkëty. Paaty je'eyë t'ënëmaay ko t'utyëty. Rebeca janty'oy ijty y'ixëty. Tä ja Isaac myäy tyäjy, ko ja ja'ayëty y'ëktukyajku'o'kënëty, mëët ko ja tyo'oxytyëjk y'oyëty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Génesis 29:17

Yë Lea mutskjaty ijty yë wyiin, e yë Raquel janty'oy ijty yaj'ixy, tyimtso'ontä'äky ma tyekyën ets jëtu'un tyimja'ty ma kyëpajkën.

Génesis 12:14

Ko yë Abram jya'ajtë jap Egiptë, ënät yë Egiptë ja'ayëty ojts y'ëna'antë ko yë Sarai janty'oy, janty tsuj y'ixë'aty.

Cantares 1:14

Yë ja'ay mëti'ipës ntsojkpyën jëtu'un yë'ë tä yë poxpëjyën mëti'ipë jam yajpatpën ma tsatym kyamën En-gadi itjotm.

2 Samuel 11:2

Jä'ä xëëw, jënäkyxyëëw ënäty ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënäty je'eyë tyukjënajkta'ayë ja myëjaaw.

Génesis 20:2

Ko ojts jam jyä'ty Guerar, tä y'ënäny ko yë Sara, yë Abraham yë tyo'oxytyëjk, y'uty ënäty. Paaty yë Abimélec mëti'ipë jam ënä'ämpë'ajtpën Guerar, ojts tnikäxë yë Sara ets to'oxytyëjk'ata'any

Génesis 24:16

Janty oy janty tsuj ënäty yë Rebeca kyëxë'ëky. E ka'anëm ënäty ni pën ye'etyëjk mëët tsyëënënëm. Tä kyëtäky ma ja nëëjutën ets tyaj'ujtsy ja nyëëtsiiyë mëët yë nëë.

Génesis 6:2

Yë Tios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënät ojts twin'ixtë aakjä'ä oyëtypë ets mëët pyëjktë y'uktë, mëti'ipë ënäty tyimtsojkën'ajtëpën.

Génesis 20:13

Koos ojts ja Tios xy'ëne'emy etsës ëjts mpëtsëmëty maas ja nteety ja jyëën tyëjkën. Ënätës ojts n'ënëëmë ja nto'oxytyëjk, ko oymyaanaax myaakajpn ntimjya'tëtyës, jëtu'un y'ëna'anëty koos xy'äy'äty ets koos yë'ë n'uty'äty.

1 Samuel 25:3

Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënäty jyä'äy'ajtpë tëtä'äky ets wijy ets oy tsuj y'ixëty.

1 Reyes 1:4

Abisag, janty'oy ijty kyëxë'ëky ets jëtu'un ja yajkutujkpë tmëtuny ets tkëwent'aty, je'eyëp ko ja yajkutujkpë ka'ap ojts t'ëkë'ënixajnë ja to'oxytyëjk.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Tios tyuk'ijxpejtypyën, Tios këwent'atanëp.