Génesis 12:1 - Biblia Mixe de Quetzaltepec

¹ Tëkok ja Tios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Biblia Dc en Mixe de Quetzaltepec

¹ Tëkok ja Dios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Génesis 12:1 ပူးပေါင်းရင်းမြစ်များ

Génesis 15:7

Jëtu'un y'ënëmaayë: Ëjts jëtu'un Wintsën. Ëjts mijts të nyajpëtsëmy Ur, ma nyaaxjotmën yë Caldeo ja'ayëty ets ya'atë naax kam mijts ntukkumayä'äny.

Génesis 20:13

Koos ojts ja Tios xy'ëne'emy etsës ëjts mpëtsëmëty maas ja nteety ja jyëën tyëjkën. Ënätës ojts n'ënëëmë ja nto'oxytyëjk, ko oymyaanaax myaakajpn ntimjya'tëtyës, jëtu'un y'ëna'anëty koos xy'äy'äty ets koos yë'ë n'uty'äty.

Génesis 24:38

Jam mnëjkxëty maas ja njëëky nmëku'uk tsyëënëtën jyuuky'atën ets xy'ixta'ajëty tu'uk ja to'oxytyëjk mëti'ipës ja nmaankës pyëkëp y'uukëpën.

Génesis 24:4

Jam nëjkx yë tyo'oxytyëjk xy'ixtaayë maas yë nnaax nkajpnën ets xywyin'ixëty tu'uk ja to'oxytyëjk, mëti'ipë tyo'oxytyëjk'atëpën, mëti'ipë winkon yajjëëky'ajtp yajmëku'uk'ajtpën.

Génesis 24:7

Yë Wintsën, yë Tios tsajpjotmëpë, mëti'ipës ojts xyajtsoonyën maas yë nteety ntaak yë jyëën tyëjkën ma ja y'it nyaaxwiinyëtën ja njëëky nmëku'ukës. Ets ojts xytyukwinwanës ya'atë it naaxwiinyëtë, ko tmo'oja'any yë n'ok'u'unk n'ok'ëna'kës, yë'ë näjyëtu'un ënät kyäxëp ja Tios ja tsyajpjotmëtë kukäjpxy ma mijtsën. Ets xyajmin xyajja'tëty ja to'oxy'ëna'k, mëti'ipës ja nmaank Isaac tyo'oxytyëjk'atëpën.

Génesis 26:2

Jam ojts yë Wintsën nyänyikëxë'ëkyë ma Isaac ets ojts y'ënë'ëmxëty: Këtii mnëjkxëty Egiptë, jam wë'ëm ma yam ntuk'ënëëmëja'anyën.

Nehemías 9:7

Mijts Wintsën, mijts mwin'ijx ja Abram, mijts myajpëtsëëm jam Ur, ma ja Caldeo ja'ay tsyëënëtën ets xyajxëëwpejty Abraham.

Isaías 37:12

¿Tiosëm jëtää jääjë ko ojts n'ap n'okës tyajkutëkoytyë yë Gozán kajpn, Harán kajpn, Résef kajpn ets ja Bet-edén ja'ayëty mëti'ipë ijty jam tsënaaytyëpën Telasar?

Isaías 41:9

Ëjts mijts të nyajtsoony ma naaxwiinyëtë jyëjpkëxyën, jëkäm ënäty myajpaaty ko ojts nyaxtsoy ets t'ënëmaay: Mijts ntuunpë'ajtyp. Ëjts mijts të nwin'ixy ets ka'ap nijëna'a të n'ixtijy.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënäty je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Ezequiel 33:24

Yë ja'ayëty mëti'ipë jam tsënaaytyëpën ma Israel kajpnën, mëti'ipë xit ko'ow të jyajta'ayën, jëtu'un y'ëna'antë: Yë Abraham nätyu'uk ijty ets ix ojts yë'ë tjä'ä'aty ya'atë naax kajpn; ëëtsajtëm nimay ni'ik nyajpatëmë, paatykyëjxm ni'ik tmëët'ajtëmë ja mëk'ajtën ets ya'atë naax kajpn ëjts njä'ä'ajtmëty.

Números 10:30

E ja Hobab tyaa y'ëtsooy: Ka'ap yowë. Jamës jatëkok nwinpita'any maas yë nnaax nkajpnën ma tsyëënëtën ja njëëky nmëku'ukës.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Hebreos 11:8

Mëët ko myëpëjky ja Abraham paaty ojts ja Tios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Tios ënäty ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënäty nyijkx.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,