Génesis 11:8 - Biblia Mixe de Quetzaltepec

⁸ Jëtu'un'äämpy ojts yë Tios tyajye'eywya'kxta'ay ja ja'ay naaxwiinyëtë apëtsëmy ets ojts t'ëxmajtsnëtë ja kajpn mëti'ipë ënäty të tkojtsoontën.

Biblia Dc en Mixe de Quetzaltepec

⁸ Jëtu'un'äämpy ojts yë Dios tyajye'eywya'kxta'ay ja ja'ay naaxwiinyëtë apëtsëmy ets ojts t'ëxmajtsnëtë ja kajpn mëti'ipë ënety të tkojtsoontën.

Génesis 11:8 ပူးပေါင်းရင်းမြစ်များ

Lucas 1:51

Tëë ja myëk'ajtën tyaj'ixyë, tëë tyaj'atëkoy mëti'ipë ënäty të tjatuknipëjktaakëtën ja mëjpë këjxmëpë jyä'äy'atën.

Deuteronomio 32:8

Tëëyëp, yë Tios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.

Génesis 10:32

Ya'atë jyä'äy'ajtë yë y'u'unkëty y'ëna'këty yë Noé, wi'ixëty ojts nitu'ukjaty jyä'äy'atë ets aakmëët yë nyaax kyamëty. Yë'ë ya'atë mëti'ipë ojts wyë'ëmtën ko ojts ja komtuu y'ity, nitu'ukjaty xim yam ojts ye'eywya'kxtaaynyëtë naaxwiinyëtë apëtsëmy.

Génesis 10:25

Yë Éber mäjtsk ojts yë y'u'unk jyaak mëxu'unk'aty, tu'uk jä'ä ijty xyëëwajtyp Péleg, paaty ojts jëtu'un txëëwaty, jä'ä ko ojts jyuuky'äty jää ojts yë naax kajpn nyäwyä'kxyë. E ja myëkä'äx ja Péleg jä'ä ijty xyëëwajtyp Joctán.

Génesis 11:9

Ma tääpë ja it naaxwiinyëtën ojts ja Tios tyajtëkajtsta'ay ja aaw ayuk mëti'ipë ënäty ja ja'ay naaxwiinyëtë apëtsëmy kyajpxtëpën ets ye'eywya'kxtaaytyë. E paatykyëjxm ojts tampë ja kajpn xyëëpety Babel.

Génesis 11:4

Ënät nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Génesis 49:7

Mpojkpyës yam ets poky y'itëty yë tsyip y'äkëty ëxëëkpë tëkatsypë. Ëjts n'awojpwa'kxta'ajëp maajaty yë Israel kajpn yajpaatyën.

Salmos 92:9

Tää tu'uk yë tëyajtën Wintsën, yë'ë ko mmëtsiptëjk nëjkxëp jëna'a kyutëkooytya'atë ets tëkokyë tuuntëkoopyë, axit ako'owë jyajta'aja'antë.

Génesis 10:5

Ya'atë ojts t'u'unk'aty t'ok'aty yë Jafed mëti'ipë tyajwintuktën ja nëëpa'a, nitu'ukjaty ja naax kajpnëty myëët'ajtëp ja nyaaxëty kyamëty ets kyë'ëm ayuk kyajpxtëp.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.