Génesis 10:7 - Biblia Mixe de Quetzaltepec

⁷ Ja y'u'unk y'ëna'k ja Cus jä'ä xyëëwajtë Sebá, Havilá, Sabtá, Raamá ets Sabtecá. Ets ja y'u'unk y'ëna'këty ja Raamá je'eyë ojts nimäjtsk y'itë, mëti'ipë xyëëwajtën Sebá ets Dedán.

Biblia Dc en Mixe de Quetzaltepec

⁷ Ja y'u'unk y'ëna'k ja Cus jä'ä xyëëwajtë Sebá, Havilá, Sabtá, Raamá ets Sabtecá. Ets ja y'u'unk y'ëna'këty ja Raamá je'eyë ojts nimäjtsk y'itë, mëti'ipë xyëëwajtën Sebá ets Dedán.

Génesis 10:7 ပူးပေါင်းရင်းမြစ်များ

Ezequiel 27:22

Yë Sabá ja'ayëty ets Raamá ja'ayëty jam ijty tyim ajuytyë ma mijtsën, yë'ë winë tyukujuuytyëp yë tsooy mëti'ipë pa'akxu'kpën ets tsaa mëti'ipë tsowën ets pu'ts pujxn.

Ezequiel 27:15

Yë Rodës ja'ayëty ajuuy ato'ktëp ijty mëët mijts. M'ajuuy m'ato'kp ijty mëët may yë kajpn mëti'ipë yajpatëpën mejypyë'aay ets yë'ë ijty mtukmëjuuyëp yë elefantë pajk ets oy kepy.

Isaías 21:13

Ma yaj'akäjpxyën tii tunan jatanëpën jam Arabië. Jam ja Dedán ja'ayëty tyu'uma'atë ujtsjotm,

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

1 Reyes 10:1

Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënäty jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënäty të tnimay të tnitajën.

Génesis 2:11

Mëtu'ukpë jä'ä txëëwaty Pisón, mëti'ipë nya'ëwtijtypyën ja Havilá y'itjot. May ënäty yë pu'ts pujxn jam yajpaaty.

Génesis 10:8

Cus ojts txëëwaty ja Nimrod ja tyeety mëti'ipë ojts më''ëka'any y'ityën jotmëk yaa naaxwiiny.

1 Crónicas 1:9

Jä'ä Cus y'u'unk y'ëna'k xyëëwajtë: Sebá, Havilá, Sabtá, Raamá ets Sabtecá. Jä'ä Raamá y'u'unk y'ëna'k xyëëwajtë: Sebá ets Dedán.

Job 1:15

ko ajotkumonë të xytyukja'tës yë sabejë ja'ayëty ets të tmä'tsta'atë ja tsajpkaa ets tëë tyaj'ooktë ja tuunpëtëjk. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Ezequiel 27:20

Yë Dedán ajuuy ato'kp ijty mëët mijts, yë'ë ijty mëët xywyinkupëky yë ënyääypyäjn mëti'ipë tuunpën ma kwaayën.