Génesis 10:32 - Biblia Mixe de Quetzaltepec

³² Ya'atë jyä'äy'ajtë yë y'u'unkëty y'ëna'këty yë Noé, wi'ixëty ojts nitu'ukjaty jyä'äy'atë ets aakmëët yë nyaax kyamëty. Yë'ë ya'atë mëti'ipë ojts wyë'ëmtën ko ojts ja komtuu y'ity, nitu'ukjaty xim yam ojts ye'eywya'kxtaaynyëtë naaxwiinyëtë apëtsëmy.

Biblia Dc en Mixe de Quetzaltepec

³² Ya'atë jyä'äy'ajtë yë y'u'unkëty y'ëna'këty yë Noé, wi'ixëty ojts nitu'ukjaty jyä'äy'atë ets aakmëët yë nyaax kyamëty. Yë'ë ya'atë mëti'ipë ojts wyë'ëmtën ko ojts ja komtuu y'ity, nitu'ukjaty xim yam ojts ye'eywya'kxtaaynyëtë naaxwiinyëtë apëtsëmy.

Génesis 10:32 ပူးပေါင်းရင်းမြစ်များ

Génesis 9:19

Ya'atë jëtu'un y'u'unk'ajt y'ëna'k'ajt yë Noé ets yë'ë ojts jatëkok tyajwintuktë yë naaxwiinyëtë.

Hechos 17:26

Tios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Génesis 10:1

Yaa yë xyëëw myintë mëti'ipë y'u'unk'ajt y'ëna'k'ajtëp Sem, Cam ets Jafed. Ja y'u'unk y'ëna'k ja Noé mëti'ipë ojts pyëktë y'uuktën ets tmëët'ajtë ja y'u'unk y'ëna'këty ma ënäty ja mëk komtuu të nyajxnën.

Génesis 10:25

Yë Éber mäjtsk ojts yë y'u'unk jyaak mëxu'unk'aty, tu'uk jä'ä ijty xyëëwajtyp Péleg, paaty ojts jëtu'un txëëwaty, jä'ä ko ojts jyuuky'äty jää ojts yë naax kajpn nyäwyä'kxyë. E ja myëkä'äx ja Péleg jä'ä ijty xyëëwajtyp Joctán.

Génesis 10:20

Ya'atë ojts t'u'unk'aty t'ok'aty yë Cam mëti'ipë yam të yajnimëtyä'äkyën, nitu'ukjaty aakmëët yë jyä'äyëty ets it nyaaxwiinyëtëty ets kyë'ëm y'ayuk kyajpxtëp.

Génesis 9:7

E miitsëty may yë u'unk maay xymyëët'atëty, ets yë'ë tyajwintuktëty yë naaxwiinyëtë.

Génesis 9:1

Tios ojts tkënu'kxy yë Noé mëët yë y'u'unk y'ëna'k ets y'ënäny: Mëët'atë yë m'u'unk m'ëna'këty nimay ets xyajwintuktëty yë naaxwiinyëtë.

Génesis 10:31

Ya'atë jëtu'un ojts t'u'unk'aty t'ok'aty yë Sem ets nitu'ukjaty tam yë nyaax kyamëty ets mëët yë kyë'ëm'aaw kyë'ëm'ayukëty.

Génesis 11:1

Ko jyeky'äjty tu'ukyë ijty ja aaw ayuk mëti'ipë ja naaxwiinyëtë ja'ay kyajpxtëpën.

Génesis 10:5

Ya'atë ojts t'u'unk'aty t'ok'aty yë Jafed mëti'ipë tyajwintuktën ja nëëpa'a, nitu'ukjaty ja naax kajpnëty myëët'ajtëp ja nyaaxëty kyamëty ets kyë'ëm ayuk kyajpxtëp.

Job 15:19

mëti'ipë yajkë'ëmooytyën yë naaxwiinyëtë ets mëti'ipë ojts ka'ap nyaxyëpinëtën mëët wiinkëtypë ja'ay.