Génesis 1:31 - Biblia Mixe de Quetzaltepec

³¹ ënät yë Tios t'ijxy janty'oy tu'kë'ëyë mëti'ipë ënäty të tyajkojyën. Jëtu'un ojts kyä'pxy ja mëtëtujk xëëwpë.

Biblia Dc en Mixe de Quetzaltepec

³¹ ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Génesis 1:31 ပူးပေါင်းရင်းမြစ်များ

1 Timoteo 4:4

Jä'ä ko tu'kë'ëyë mëti'ipë Tios të tyajkojyën aak'oy yë'ë; ets ka'ap tjëkyepy yajjëjpmëkajpxëty mëti'ipë ja Tios jëyëjp të yajkukajpxën,

Salmos 104:24

Mëj këjää winë të xytyuny, Wintsën. Winma'anymyëët winë të xyajkojy; yë naaxwiinyëtë ujts yajpaaty mëët mëti'ipë të xyajkojy të xypyëjktä'äkyën.

Éxodo 20:11

Jä'ä ko yë Tios tëtujk xëëw ojts t'oytyuny yë tsajp ets naaxwiinyëtë, yë nëëmejy ets tëkokyë mëti'ipë yajpatpën ma yë'ëjëtyën ets ojts pyo'kxy kom wëxtujk xëëw. Jëtu'un'äämpy ojts ja Tios tkënu'kxy yë po'kxënxëëw ets ojts tnikäjpxy ko wya'atsëty.

Salmos 104:31

Yë Wintsën yë myëj'ajt y'oyajtën xëmë y'ity. Tyukxoontäkpy yë Wintsën ko winë të tyajkojy.

Lamentaciones 3:38

Ko winë oy wyimpëtsëmy ets ko winë ëxëëk wyimpëtsëmy, yë Wintsënën jëtu'un yajkutujkpy.

Job 38:7

ma ënäty y'ëwtën mëët ja xoontakën ja maymyëtsa'a ko xyiinyë ma jam yajpaatën ja ntsajpjotmëtë kukexyës?

Génesis 2:2

Kom wëxtujk xëëw yë Tios tyaj'apatëtyääy tu'kë'ëyë jënu'un ënäty të tyajkojyën ets ojts pyo'kxy.

Génesis 1:23

Jëtu'un ojts kyä'pxy ja mëkoxk xëëwpë.

Génesis 1:8

Ja niwits nijuux jä'ä tyajxëëwpejty tsajp. Jëtu'un ojts ja mäjtsk xëëwpë kyä'pxy.

Génesis 1:5

Ets tukxëëwajty, xëëny e ja kootsajtën tukxëëwajty koots. Jëtu'un ojts kyä'pxy ja mëtu'kxëëwpë.

Génesis 1:19

Jëtu'un ojts kyä'pxy ja taxk xëëwpë.

Génesis 1:13

Jëtu'un ojts kyä'pxy ja mëtëkëëkxëëwpë.

1 Timoteo 4:5

jä'ä ko yë Tios yë y'aaw y'ayuk ets nu'kxtakën yë'ë mëët winë wyä'ätsy.

Éxodo 31:17

Yë'ë tu'uk yë ijxpäjtën'atëp mëët ëjts ma Israel ja'ayëtyën winë xëëw winjëmëjt. Jä'ä ko yë Tios jä'ä ojts tuunk'aty yë tsajp ets naaxwiinyëtë tëtujk xëëw, e kom wëxtujk xëëw tää ojts pyo'kxy.

Salmos 104:28

Mijts mmoopy, tääts tpëjkë'ëk tuunë'ëktë, ko mkë'ë xyajwä'kxy tääts kyu'uxëtë;

Salmos 119:68

Mijts janty'oy mTios'aty ets aakyë'ë mtuumpy yë oypyë; tukni''ijxëkës yë m'ënä'ämën mtëyajtën.

Proverbios 16:4

Ko Tios tii winë të tyajkojy, tam yë winma'any tiikyëjxm ko të tyajkojyën; Yë'ëpaat yë ëxëëk ja'ay paatykyëjxm jyääjëty jä'ä ko jää yajtëytyuna'any ko ënäty ja poky yajnipaye'ey.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Tios të tuny të tkäjpxyën ets mëti'ipënëm tyunäämpy kyajpxäämpyën.

Génesis 2:3

Ënät ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënäty winë të tyajkojy të tpëjktä'äkyën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.