Génesis 1:3 - Biblia Mixe de Quetzaltepec

³ Ënät yë Tios y'ënäny: wä'än tjää'aty yë kutë'kxën. Tää ja kutë'kxën ojts kyëxë'ëky.

Biblia Dc en Mixe de Quetzaltepec

³ Ënet yë Dios y'ënäny: wä'än tjää'aty yë kutë'kxën. Tää ja kutë'kxën ojts kyëxë'ëky.

Génesis 1:3 ပူးပေါင်းရင်းမြစ်များ

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Juan 1:5

Kutë'kxp ja kutë'kxn akootstum, yë akootspë ka'ap të myäyë tyajpi'itsëty ja kutë'kxn.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Isaías 60:19

Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

1 Juan 1:5

Yë'ë miits yam ntuk'ëwa'anëtyëp mëti'ipë ja Wintsën Jesukristë ojts xytyuk'ëwa'anëmën: ko ja Tios atë'kxp ajajp yë'ë ets ka'ap maa yajpaaty akootstuuypyë jam.

Efesios 5:8

Miitsëty jam ijty mjuuky'atë akootstum, e tyam ko m'ijnëtë mëët ja Wintsën jam myajpatnëtë ma tyi'kxy jyäjyën. Jëtu'un winë tuntë ijxtëm ja ja'ayëtyën mëti'ipë yajpatëpën ajajëntuuy.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 3:19

Mëti'ipë ka'ap myëpëktën tëë nyitukëtë, jä'ä ko, yi'iyë ja ëxëëkpë tyuuntëp paaty ja kujaj kutë'kxën ka'ap të tsoktë ko të jyaminy yaa naaxwiiny.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Salmos 148:5

Mmëjpëjkta'aktë Wintsën yë xyëëw, jä'ä ko yë'ë ojts t'ënä'ämta'ay tu'kë'ëyë winë ets ojts kyojtë.

Salmos 97:11

Jam'ajtp yë të'kxën jajën ma oyjyä'äytyëjkëtyën; yë xoontakën yë'ë ojts yajtuknipëjktaakëtë ja'ayëty mëti'ipë juuky'ajtëpën mëët yë näywyinkutsë'kën.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

1 Juan 2:8

Tyam näjyëtu'un ntuknijayëtë yë jempyë ënä'ämën, nätsyokëtë nixim niyam ijxtëm ja Kristë xytsyojkëmën. Yë'ë jëtu'unpë ja winma'any yajkutëkoopy ja ëxëëk winma'any ets y'oyë ja juukyajtën.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Job 38:19

¿Ma yajpëjkë'ëktë yë xëënyajtën ets kootsajtën?

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kutujkën. Oy jyëtu'un'atëty.

Salmos 118:27

Yë Wintsën yë'ë Tios'ajtp; yë'ë xykyutë'kx xykyujajëm. Wä'än tso'ontä'äky ja xëëw, mënëjkxtë ja aay xye'enty kepyxye'enty, jam pëjkta'aktë ma ja wintsë'këntyakn ja wyajën.

Job 36:30

Yë'ë Tios yajja'ajtäkpy yë wëtsuk ma mëjmejyën ets tyajkootsë juuky myejy'itkujky.

Juan 11:43

Ko jëtu'un kyajpxtaay ënät mëk y'ënäny: Lázaro, pëtsëm jap.

Mateo 8:3

Tääts ja Jesús ojts tony ets t'ënëmaay: Ntsojkpyës ets mtso'okëty ets mwa'atsëty. Tso'ok ets wë'ëm wa'ats. Je'eyë ja Jesús jëtu'un y'ënäny ets ja ja'ay ja pyu'uts ënätyë tsyokaay ets wyatstaay ja nyini'kx.

Génesis 2:4

Ya'atë jëtu'un yë nyimëtyä'äky, wi'ix ojts yë tsajp ets naaxwiinyëtë kyojtën. Ko yë Wintsën ojts tyajkojy yë tsajp ets naaxwiinyëtë,