Génesis 1:20 - Biblia Mixe de Quetzaltepec

²⁰ Ënät yë Tios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Biblia Dc en Mixe de Quetzaltepec

²⁰ Ënet yë Dios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Génesis 1:20 ပူးပေါင်းရင်းမြစ်များ

Génesis 2:19

Ënät yë Wintsën ojts tyajkojy naaxwiiny tëkokyë yë jëyujk ijx ka'ijxënpë ets joon jëyujk, mëti'ipë kääkjëtijtëpën ets ojts tukninëjkxy ja ye'etyëjk ets txëëwmooytya'ajëty. Ënät ja ye'etyëjk txëëwmooytyääy tu'kë'ëyë ja jëyujk mëti'ipë yujyëtyën, ja joonëty ets tëkokyë jëyujk mëti'ipë ëwa'anëtyën. Wi'ix ojts ja Adán txëëwmo'oyën ja jëyujk jëtu'un ojts tmëwë'ëmtë ja xyëëwëty. E oy ënäty jëtu'un ja Tios të tjayajkojy ja may jëyujk. Yë Adán ka'ap nitiiputëjkën tpaty ma yë'ëjëtyën.

1 Reyes 4:33

Ojts tnikäjpxy tnimëtyä'äky wi'ix ja aay kepy y'ixë'atën, mëti'ipë jam Líbano; yë'ëpaat ja aay ujts potsykyijxypyë yonyën; ojts näjyëtu'un tnikajpxtaay ja aayjëyujk ujtsjëyujk, mëjatypë ets pixkënpë, mëti'ipë naaxwiinye'eytyëpën, mëti'ipë naaxjotyën, mëti'ipë nëëjotyën, kepyjotyën ets mëti'ipë kääkjëtijtëpën.

Salmos 148:10

Jëyujk tsajpkaa mëti'ipë ma jëën tëjkën ijtëpën, yë ëwa'anëtypë jëyujk mëti'ipë yuukjoty kopkjoty yajpatëpën, yë joonëty, tsa'anyëty.

Génesis 1:30

e yë jëyujkëty mëti'ipë tsënaaytyëpën aayjoty ujtsjoty, joon jëyujkëty ets tsa'anyëty, yë'ë jyë'kxtëp aay ujts. Jëtu'un ojts tyunyë jyätyë,

Génesis 8:17

Yajpëtsëëmta'a näjyëtu'un tu'kë'ëyë jëyujk, jënu'un jap xymyëët'atyën, joonëty, jëyujkëty mëti'ipë yujyëtyën, mëti'ipë mëpaat ja'ay tyajtsëënën ma jyëën tyëjkën ets mëti'ipë naaxwin'a'tspën. Wä'än tukye'eyëtya'atë naaxwiinyëtë ets y'u'unkëty y'ëna'këty tyajnimayëtëty ets tyajwintuktëty jëtu'un yë naaxwiinyëtë jatëkok.

Génesis 1:22

Ënät ojts tkënu'kxy mëët ya'atë aaw ayuk: Wä'än mnimayëtë ets xyajwintuktëty yë nëëjot ets wä'än näjyëtu'un nimayë yë joon jëyujk naaxwiiny.

Génesis 1:14

Ënät ja Tios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Génesis 1:7

Tios ojts tu'uk tjanty yajkojy yë niwits nijuuxy, mëti'ipë yaj'ëwä'kxy'itëpën yë nëë. Tu'kpëky ojts ja nëë wyi'imy pa'tkë'p ets tu'kpëky nëkëjxy.

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.

Eclesiastés 2:21

jä'ä ko jëna'ajëty jyäty kyëpety je'eyë winë tyäty nyituunkë ets mëët yë jot winma'any, wijy'ajt kujk'ajtën ets jot mëjaaw tii yajpaaty yaj'ixy ets yë'ë jyä'ä'ajtnëp ok mëti'ipë ka'ap të tyajnimëjaawtä'äkyën. Tääpë nän natëkë winma'any yë'ë. Ets ka'ap jëtu'un jyamëtëyëty.

Génesis 1:19

Jëtu'un ojts kyä'pxy ja taxk xëëwpë.

Génesis 1:21

Ojts yë'ë Tios yë jëyujk tyajkojy mëjatypë këjxmjatypë jap nëëjoty ets tu'kë'ëyë jëyujk jënu'un yaj'ixy yajpaatyën nëëjoty, näjyëtu'un yë joon jëyujk ojts tyajkojy. Yë Tios aak'oy t'ijxy mëti'ipë ënäty të tyajkojyën.

Génesis 7:21

Jëtu'un'äämpy ojts y'o'kta'atë ja ja'ayëty jënu'un ënäty yaa naaxwiiny jyuuky'atën. Näyjyëtu'un yë joon jëyujkëty ets mëti'ipë naaxkëjxy jëtijtëpën, ojts y'o'kta'atë.

Levitico 11:42

Oy tyimmëti'ipë jëyujkëty mëti'ipë jëtu'unyë naaxwin'a'tspën ka'ap mëpaat xytsyu'utstë, tä mëti'ipë yë myox tyukye'epyën, tääpë jëtu'unpë ëxëëkjëyujk yë'ëjëty.

Levitico 11:43

Këtii mëpaat miitsëty kë'ëm mnäyaj'ëxëëkëtë mëët yë ëxëëkjëyujk mëti'ipë naaxwin'a'tstëpën.

Job 12:9

¿Jää pën mëti'ipë ka'ap tnijawën ko Tios winë të tyajkojta'ay mëët yë kyë'ëjë?