Génesis 1:2 - Biblia Mixe de Quetzaltepec

² Yë naaxwiinyëtë ka'ap ënäty nitii ijxën oypyë tmëëtëty, je'eyë ënäty kootspuknë wyimpakëxë'ëky yë mëjnëëmejy ets ja Tios ja myëk'ajtën y'oyajtën yë'ë ënäty je'eyë yu'kxp nëëwinkëjxy.

Biblia Dc en Mixe de Quetzaltepec

² Yë naaxwiinyëtë ka'ap ënety tii ijxën oypyë tmëëtëty, je'eyë ënety kootspuknë wyimpakëxë'ëky yë mëjnëëmejy ets ja Dios ja myëk'ajtën y'oyajtën yë'ë ënety je'eyë yu'kxp nëëwinkëjxy.

Génesis 1:2 ပူးပေါင်းရင်းမြစ်များ

Jeremias 4:23

Ojts n'ixyës ja naaxwiinyëtë ko kajtëm nitii ijxën oypyë tmëëtëty; ojts n'ijxyës ja tsajp, je'eyë kootspuknë kyëxë'ëky.

Salmos 104:30

E ko mijts xykyexy yë juukpyoj mëti'ipë yajjuuky'ajtpën, ënät winë jyuuky'ajtpëky ets y'ajämë yë naaxwiinyëtë yë y'ijxën.

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Job 26:7

Tios të twijtstëy yë tsajp ma ka'ap tiijën ets të tkëxjeny yë naaxwiinyëtë ma ka'ap tii yajpaatyën.

Job 26:14

Ets tyaapë wäänë yë'ë mëti'ipë të tunyën; mëti'ipë të nmëto'owëmën yi'iyë mëti'ipë je'eyë yajnikajpx yajkukajpxpën. ¿Pën y'ëkja'akyukëp yë y'ënaaw mëti'ipë maaytyääyëpën winë?

Nahúm 2:10

Yë Nínive kajpn jä'ä yajpaaty aanë'ëk tëëtsë'ëk, mon tuk ets jë'ë ya'ax. Aak tsë'këtyëp yë ja'ay ets aak je'eyë myontë tyuktë, jëtu'un yaj'ijxnëtë tëë yowë myëjaawkukëjxënëtë ets aak tsuxk wi'ixnë yaj'ijxnëtë.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Deuteronomio 32:11

Jëtu'un ojts timmyëët'aty tä yë witsn tnike'eky tkuke'ekyën yë pyä'än ma ja y'u'unk tyajmëxu'unk'atyën, jëtu'un yë kyäkn të tuknikë'ëy, tëë twoowmuky ets të tmu'uxy.

Job 38:9

Yoots ojts ntukxoxyës ets nëma'a ojts ntuk'ixpityës.

Salmos 104:6

Ja nëëkom yë'ë ijty yajnituky'ijtyp yë naaxwiinyëtë jëtu'un tä jeexyë yë'ë twit'atyën; Aak nituky ijty y'ijta'ay yë tun kopk.

Salmos 136:6

Mëti'ipë ojts twijtstëyën ja të'ëtsnaax nëëwiinkëjxy, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 148:7

Mmëjpëjkta'aktë yë Wintsën yaa naaxwiiny, jëyujk mëjpë mëti'ipë mejyjoty yajpatëpën, jap këknëëjoty.

Proverbios 8:24

Jääjës ojts xymyä'kxy ma ënäty ka'ap ja mëjnëëmejy kyojnyëmën, ets ma ënäty ka'anëm ja nëë myuutynyëmën.

Isaías 31:5

Jëtu'un tä tu'uk yë joontaak tnike'eky tkuke'ekyën yë y'u'unk ko tii jëyujk myatsa'anyë, jëtu'un ja Wintsën mëti'ipë maaytyääyëpën winë tkuwa'ana'any yë Jerusalén kajpn, kyuwa'anäämpy, yajtso'okäämpy, nyiwaantu'utäämpy, ets ëwaatsëtuuy tpëjkta'aka'any.

Job 41:32

Jëtu'un yaj'ixy jap mejyjoty poopëm y'atë'kxy tä yë ja'ay yë pyo'o kyëxë'ëkyën.