Génesis 1:16 - Biblia Mixe de Quetzaltepec

¹⁶ Tios ojts tyajkojy mäjtsk yë kujaj kutë'kxën, tu'uk yë mëjpë mëti'ipë kujaj kutë'kxëpën xëëny ets mutskpë mëti'ipë kujaj kutë'kxëpën koots. Ojts näjyëtu'un tyajkojy maymyëtsa'a.

Biblia Dc en Mixe de Quetzaltepec

¹⁶ Dios ojts tyajkojy mäjtsk yë kujaj kutë'kxën, tu'uk yë mëjpë mëti'ipë kujaj kutë'kxëpën xëëny ets mutskpë mëti'ipë kujaj kutë'kxëpën koots. Ojts näjyëtu'un tyajkojy maymyëtsa'a.

Génesis 1:16 ပူးပေါင်းရင်းမြစ်များ

Job 31:26

Tëës n'ixy yë xëëw po'o wi'ix tyi'kxy jyäjyën,

Job 38:7

ma ënäty y'ëwtën mëët ja xoontakën ja maymyëtsa'a ko xyiinyë ma jam yajpaatën ja ntsajpjotmëtë kukexyës?

Salmos 148:3

Mmëjpëjkta'aktë yë Wintsën, miitsës xëëw, po'o. Mmëjpëjkta'aktë yë Wintsën, ninu'un mtë'kxtën mjajtën.

Salmos 148:5

Mmëjpëjkta'aktë Wintsën yë xyëëw, jä'ä ko yë'ë ojts t'ënä'ämta'ay tu'kë'ëyë winë ets ojts kyojtë.

Salmos 19:6

Tä ja xëëw pyëtsimy ets tukye'eyë ja tsajp, ko kyëtaknë wiinktsow kyëtaknë, ko tyi'kxy jyäjy ka'ap tjëkyepy pën tkukä'äkëty.

Salmos 74:16

Mijts mjä'ä'ajtyp yë xëënyajtën, kootsajtën; mijts ojts xypyëjktä'äky yë xëëw, po'o;

Salmos 8:3

Koos n'ixy ja xëëw po'o ets ja mëtsa'a jam tsajpjotm mëti'ipë të xyajkojyën,

Isaías 13:10

Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

Isaías 24:23

Ko ënäty ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Isaías 40:26

Jam yujk'ixtë tsajpwinm ets xy'ixtëty: ¿Pën jam winë të tyajkojy? Mëti'ipë të tuknipëjktakëtyä'äyën maajaty y'itëtyën nitu'ukjaty ets aak xyëëw tyukmëkäjpxyp. Nëkooyë tmëët'ajnë mëk'ajtën ets mëjaaw paaty nitu'uk kyatëkoy'äty

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Jeremias 31:35

Yë Wintsën mëti'ipë pyëjktakën yë xëëw ets xëëny kyutë'kxëty; yë po'o ets mëtsa'a ets koots kyutë'kxtëty; mëti'ipë yajyu'kxypyën yë mëjmejy, mëti'ipë yajmu'upy yajni'typyën yë nëë'o'pyky, mëti'ipë xyëëwajtypyën Wintsën mëti'ipë maaytyääyëpën winë, jëtu'un y'ënä'äny:

Habacuc 3:11

Yë xëëw ets po'o ka'ap jap pyëtsëmtë ma yu'utsy y'itën ko t'ixtë ja mëkpë ja mtë'kxën mjajën mëti'ipë ja mti'pxn myëët'ajtypyën ets ko t'ixtë ja mku'umën y'atë'kxy y'ajajy.

Mateo 24:29

Ko ënäty të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Mateo 27:45

Ojts kyootsë ja naaxwiinyëtë, kujkxyëëw ënäty, ets jëtu'un y'ijty jënäkyxyëëwpaat.

1 Corintios 15:41

Wiink ja xëëw y'äny, wiink ja po'o y'äny ets wiink ja matsa'a y'äny; ets matsa'apaat tëkatsy y'antë aak yë'ëjëty.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Tios ets ja Kupixyny U'unk y'ajajy y'atë'kxy.