Gálatas 6:3 - Biblia Mixe de Quetzaltepec

³ Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Biblia Dc en Mixe de Quetzaltepec

³ Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Gálatas 6:3 ပူးပေါင်းရင်းမြစ်များ

Proverbios 26:12

Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

1 Corintios 8:2

Pën jää pën y'ënä'äny ko tii tjaty tnijawë, ka'anëm tnijawë ijxtëm pyaat'atyën.

Romanos 12:3

Jä'äkyëjxm ko ja Tios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Tios të mmo'ojëtën ja wijyajtën kejyajtën mëët ja mëpëjkën.

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Tios yajktääpy tu'kë'ëyë winë mëti'ipë ntu'unëm nkajpxëmën.

1 Corintios 13:2

Oyës ja Tios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Juan 1:8

Pën ëna'anëm ko ka'ap tii npoky'ajtëmë, kë'ëm ënäty nnäwyin'ë'ënëm ets ka'ap mëtëy nja'ay'ajtëmë.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Lucas 18:11

Ja fariseë ja'ay, tënääpy ja Tios tmëkäjpxy ets në'ix pa'at'ix, jëtu'un y'ënä'äny: Tios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Santiago 1:22

E ka'ap tyim yi'iyëty ko yaj'amëtoow'ity ja Tios ja y'aaw y'ayuk, yajtunaanp jëtu'un. Jä'ä ko pën ka'ap tii oy yajtuny nëkoopë je'eyë näwyin'ë'ënëmëty.

Proverbios 25:14

Jëtu'un tä je'eyë wyintukyën ets pyojyën ets ka'ap maa tuu, jëtu'un ja ja'ay nyäxy mëti'ipë je'eyë winë y'ëwa'anëpën ets ka'ap tii tyäky.

Santiago 1:26

Pën näjya'awëyëp ko Tios t'ëwtaty ets ka'ap ja y'aaw tmajts'ity, kë'ëm nyäwyin'ëënyë ets ko jya'ëna'any ko ja Tios tmëpëka'any ka'ap ja tyuny.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

Gálatas 2:6

Ka'ap ojts tii jempyë ijxpëjkën xymyo'otës mëti'ipë ja kutujkën myëët'ajtypyën; oyës ënäty ka'ap yë'ëjëty nijawëja'any tii tyuunk'ajtëp, jä'ä ko Tios ka'ap yë'ë tmëjpëjktä'äky wi'ix pën y'ixëtyën.

Hechos 5:36

Ja'amyätstë ko ojts tu'uk ja ja'ay jyapëtë'ëky, mëti'ipë xyëëwajtën Teudas; ko y'ënäny ko yë'ë mëj'äämpy y'ity ets ojts may yë jyä'äy tpaaty, nimajktaxk mëko'pxën. E ojts ja ja'ay yaj'ookyë ets jëtu'unyë ja jyä'äy ye'eywya'kxtaaytyë ets jääyë kyijxy nyäjxy.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Tios ënäty të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënäty të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.