Gálatas 4:9 - Biblia Mixe de Quetzaltepec

⁹ E tyam ko ja Tios të xynyijawëtë, ëkë n'ëna'anmëty ko ja Tios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Biblia Dc en Mixe de Quetzaltepec

⁹ E tyam ko ja Dios të xynyijawëtë, ëkë n'ëna'anmëty ko ja Dios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Gálatas 4:9 ပူးပေါင်းရင်းမြစ်များ

1 Corintios 8:3

Pën ja Tios tsyojkpy jya'ap, nija'awëyëp ja Tios.

Gálatas 3:3

¿Mtimtsyuu miitsëty, këtiijë? Tëë mëët ja Kënu'kxymyëk'ajtën xy'ëkyajtso'onta'aktë ja mmëpëjkënëty, ¿ets ënät tyam xyajkukëxëja'antë mëët ja mwinma'anyëtyë?

Romanos 8:3

Tëë ja Tios tuny mëti'ipë ja ënä'ämën ka'ap myääyën tunëty, jä'ä ko ënäty ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Tios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

1 Juan 5:20

Nnija'awëm näjyëtu'un ko paaty ja Tios U'unk të xynyimi'inëmë ets nnija'awëmëty ja Tios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Tios, mëti'ipë yäjkpyën ja juukyajtën xëmëkyëjxmëpë.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënäty të y'itën.

Hebreos 7:18

Paaty ja Moisés y'ënä'ämën kyutëkooy ko mëk'ajtën tkamëët'aty ets ka'ap tyuny,

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Efesios 1:17

N'amëtoopyës ja Tios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

1 Corintios 13:12

Näyjyëtu'un tyam ja Tios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënäty ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Tios të nijawën koos njääjëty.

Éxodo 33:17

Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Tios t'ëtsooy ja Moisés.

Romanos 8:29

Mëti'ipë tëëyëp ja Tios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Juan 10:14

Ëjts jëtu'un oypyë kupixyny këwent'ajtpë. Jëtu'un ijxtëm xy'ixy'ätyës ja nTeetyës nän jëtu'unës n'ixy'äty ja nTeetyës; jëtu'un n'ixy'ätyës ja nkupixynyës ets yë'ëjëty nän jëtu'unës xy'ixy'atë. Ëjts nyäjkpyës ja njuukyajtën maas ja nkupixynyën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Habacuc 2:14

Ets nëjkx ja naaxwiinyëtë tyuktujkta'ay mëët ja Wintsën ja myëj'ajt y'oyajtën, jëtu'un tä yë mëjnëë kyomyën.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënäty wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Proverbios 2:5

Jää yajxon xyjyä'äkyukëty wi'ix yë Wintsën yajwinkutsë'ëkëja'anyën, ets xynyijawëty wi'ix yë Tios yaj'ixy'ätyën.

Salmos 9:10

Wintsën, yë ja'ay mëti'ipë m'ixy'ajtëpën mijts mtuk'ijxpäjtëp, jä'ä ko mijts nijëna'a xykya'ëxmatsy mëti'ipë m'ixtaayëpën.

Salmos 1:6

Yë Tios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

1 Reyes 8:43

Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënäty m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Tios jënaakën xynyijawëtë. Miits mtsëtyu'unpatëp koos jëtu'un n'ëna'any.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

Gálatas 4:3

Näyjyëtu'un ijty ëëts nyajpatëmë ko ja Kristë ënäty ka'anëm myiny, jëtu'un ijty nyajpatëmë ijxtëm ja pi'k ëna'kën, jëtu'un ntsëna'ayëm njuuky'ajtëmë mëët ja naaxwiinyëtë winma'any.

Lucas 5:38

Paaty ja tsatsym nyëë jempyë jap yaj'atämë ma ja po'o jempyën.