Gálatas 3:9 - Biblia Mixe de Quetzaltepec

⁹ Paaty, pën ja Tios myëpëjktëpën, kënu'kxanëtëp ja Tios mëët ja Abraham, mëti'ipë ojts näjyëtu'un myëpëkyën.

Biblia Dc en Mixe de Quetzaltepec

⁹ Paaty, pën ja Dios myëpëjktëpën, kënu'kxanëtëp ja Dios mëët ja Abraham, mëti'ipë ojts näjyëtu'un myëpëkyën.

Gálatas 3:9 ပူးပေါင်းရင်းမြစ်များ

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Tios të tuknipëjktaakën.

Romanos 4:24

näjyëtu'un ojts ëëtsajtëm nyajnimëtyakëmë. Jä'ä ko ja Tios yajmëjnajxyp näjyëtu'un ëëts ja nmëpëjkën'ajtëmë, ko nmëpëjkëmë mëti'ipë yajjuukpyëjkën ja nWintsën'ajtëm Jesús ko y'ëk'o'ky.

Gálatas 4:28

Mëku'uktëjkëty, jëtu'un ëëts'ajtëmë ijxtëm ja Isaac, näjyëtu'un ja xypyaat'ajtëmë mëti'ipë Tios të twaantä'äkyën.

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Tios ko tmëët'aty ja mëpëjkën. Jëtu'unts ja ja'ay mëti'ipë ja Tios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Tios.

Gálatas 3:14

Paatykyëjxm jëtu'un tyuunë jyajtë ets ja Tios ja kyënu'kxën jya'atëty ma ja ja'ayëtyën ka'apë jyutiis'atën, mëti'ipë ja Tios tyukwinwa'anëyën ja Abraham, ets näjyëtu'un ja Kënu'kxymyëkajtën n'ëxajëmëty ni'ëmukë mëti'ipë ja Tios tëë twaantä'äkyën.

Génesis 24:1

Mëjja'ay ënäty yë Abraham oynyë, e Tios mëj këjää të kyënu'kxyë.