Filemón 1:7 - Biblia Mixe de Quetzaltepec

⁷ Akujk jotkujk ets xoontä'äkyës nnäjyawëty ko xytsyoky xyjyawë ja mëku'uk, ets të xyajjotkujktä'äky ja mëpëjkpëtëjk mëtipë yajpatëpën ma ja Tios ja nyaax kyajpnën.

Biblia Dc en Mixe de Quetzaltepec

⁷ Akujk jotkujk ets xoontä'äkyës nnäjyawëty ko xytsyoky xyjyawë ja mëku'uk, ets të xyajjotkujktä'äky ja mëpëjkpëtëjk mëtipë yajpatëpën ma ja Dios ja nyaax kyajpnën.

Filemón 1:7 ပူးပေါင်းရင်းမြစ်များ

1 Corintios 16:18

Tëës xyajjotmëkpëktë ijxtëm miits näjyëtu'un të myajjotmëkpëkëtën, jëtu'unpë ja'ayëty paat'ajtëtëp ets miits xyajmëjnaxtëty.

2 Corintios 7:13

Jä'äkyëjxmës njotkujk'atë. Ets ni'ik njotkujkta'aktës, jä'ä ko ja Tito jotkujk yajpaaty, ko miits të xyjyotmëkmo'otë.

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

1 Tesalonicenses 1:3

Xëmës miits nja'amyätstë nTeety'ajtëm Tios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

1 Tesalonicenses 2:13

Paatykyëjxmës xëmë ja Tios nkukajpxëtë, jä'ä ko miits xymyëtowtë ja Tios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Tios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Tios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

1 Tesalonicenses 2:19

Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënäty myiny? ¿Këtii myiits'atë, këtii tyiyëtyë?

1 Tesalonicenses 3:9

¿Wi'ix ëëts ja Tios n'ëkkukajpxëtëty, mëët tu'kë'ëyë ja xoontakën mëti'ipës nmëët'ajtëpën Tios wyintuuy, miitskyëjxmëty?

2 Timoteo 1:16

Wä'än ja Tios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

Filemón 1:20

Jëtu'un mëku'uk, tun ya'atë mëyajtën, yajnikëxë'ëk ko tu'ukyë nmëpëjkëmë ma ja Wintsën Jesukristën. Yajotkujk'at yë n'aaw njotës ko ntu'kmëku'uk'ajtëmë ma ja Jesukristë yajmëpëkyën.

2 Juan 1:4

Akujk jotkujkës näjyawëty koos të npaaty ma miitsëtyën mëti'ipë kyuuytyuuntëpën ja ënä'ämën tëyajtën, mëti'ipë ja Tios të tnajts'ënä'ämën.