Éxodo 9:6 - Biblia Mixe de Quetzaltepec

⁶ Ko kyomjëpom'ajty jëtu'un ja Tios tjantyuuny. Tëkokyë yë jëyujk tsajpkaa japëpë Egiptë ënäty yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Biblia Dc en Mixe de Quetzaltepec

⁶ Ko kyomjëpom'ajty jëtu'un ja Dios tjantyuuny. Tëkokyë yë jëyujk tsajpkaa japëpë Egiptë ënety yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Éxodo 9:6 ပူးပေါင်းရင်းမြစ်များ

Salmos 78:48

Yë jyëyujk tsyajpkaajëty ets tsyajppax kyupixynyëty, ojts y'o'kta'atë ko ojts yë ënääw wëtsuk y'ëtë'ëtstë y'ëna'antë ets nëkooyë tyëtsntuunë.

Salmos 78:50

Ojts tnajtsmatsë ja y'ëwa'an'ajtën. Ka'ap ojts tnimä'kxë ja jyuuky'ajtënëty; jam tkë'ëyäjky ma ja o'ktaknën;

Éxodo 9:25

Ja tëtsn tuu yajxon jap kyëtäky Egiptë, ojts may yë ja'ay y'ooktë ets jëyujk tsajpkaa; aay ujts pu'uxmën jya'ajtaay ets aay kepy ojts wyinka'ata'atë mëti'ipë ënäty jap Egiptë ijtëpën.

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Éxodo 9:4

Yë Tios yë'ë yaj'ixanëp ko mijts yë mtsajpkaajëty ëpëky yë'ëjëty mëët ëëts yë njä'äjëty, yë Israel ja'ayëty ka'ap yë tsyajpkaajëty y'ooka'antë.

Éxodo 9:5

Yë Tios ojts t'awitsy ja xëëw jëna'a ya'atë tyuna'any jyata'anyën ets y'ënäny: Jopyës ya'atë jëtu'unpë nyajtuna'any nyajjata'anyë.

Éxodo 9:26

Jap Egiptë mëj këjää yë ëyo'on y'ijty, e jam Gosen nitii jam kyatuun kyajajtë, nitu'uk yë tëtsn ojts jam kyaka'ay ma ënäty tsyëënëtën yë Israel ja'ayëty.

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.