Éxodo 9:4 - Biblia Mixe de Quetzaltepec

⁴ Yë Tios yë'ë yaj'ixanëp ko mijts yë mtsajpkaajëty ëpëky yë'ëjëty mëët ëëts yë njä'äjëty, yë Israel ja'ayëty ka'ap yë tsyajpkaajëty y'ooka'antë.

Biblia Dc en Mixe de Quetzaltepec

⁴ Yë Dios yë'ë yaj'ixanëp ko mijts yë mtsajpkaajëty ëpëky yë'ëjëty mëët ëëts yë njä'äjëty, yë Israel ja'ayëty ka'ap yë tsyajpkaajëty y'ooka'antë.

Éxodo 9:4 ပူးပေါင်းရင်းမြစ်များ

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Malaquías 3:18

Ënät jatëkok xywyinjawëtëty mëti'ipëtën oy, ka'oyën; mëti'ipë ja Tios y'ëwtajtypyën ets mëti'ipë kya'ëwtajtypyën.

Éxodo 12:13

Yë ne'pny yë'ë nëjkx yë mjëën mtëjkëty xytyukkoytyë, yë'ëtsës n'ixëp etsës jëtu'un nijawëty ko ënäty miitsëty jap myajpaatë. Paaty koos ënäty naxy ma ja Egiptë ja'ayëty ja jyëën tyëjkëtyën, maas ënäty nyaj'ooka'anyën tëkokyë ja kä'äxkopktëjk. Ma miitsëtyën nitu'uk pën kya'ookëty, jä'ä ko ja ne'pny jä'äs n'ixëp etsës jëkäm naye'eyëty ja mjëën mtëjkëty.

Éxodo 10:23

Tëkëëk xëëw jëtu'un y'ijty koots, yajxonëtën kyootsëty, ni pën ojts ma kyanëjkxy jä'ä xëëw. E jam ma ja Israel ja'ayëty tsyëënëtën të'kxp jajp ja jampë.

Éxodo 9:5

Yë Tios ojts t'awitsy ja xëëw jëna'a ya'atë tyuna'any jyata'anyën ets y'ënäny: Jopyës ya'atë jëtu'unpë nyajtuna'any nyajjata'anyë.

Éxodo 9:6

Ko kyomjëpom'ajty jëtu'un ja Tios tjantyuuny. Tëkokyë yë jëyujk tsajpkaa japëpë Egiptë ënäty yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Éxodo 9:26

Jap Egiptë mëj këjää yë ëyo'on y'ijty, e jam Gosen nitii jam kyatuun kyajajtë, nitu'uk yë tëtsn ojts jam kyaka'ay ma ënäty tsyëënëtën yë Israel ja'ayëty.

Amós 4:7

Ojtsës näjyëtu'un nyaj'ëmaaytyä'äky yë nëë tuu ma miitsëtyën, tëkëëk po'o ënäty tkapaatynyëm ma xyajpëtë'ëktëtyën yë mpëjktä'äkyëty. Muumëty ojts nyajtu'uyës ets muumëty ka'ap;

Éxodo 8:19

Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Tios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënäty ja Tios të tnikäjpxyën.