Éxodo 9:34 - Biblia Mixe de Quetzaltepec

³⁴ E ko ja mëj'ënä'ämpë t'ijxy ko tëë ja tuu nyäxy, ka'ap y'ëktëtsntuunë, ka'ap ma ja ënääw wëtsuk y'ëk'ënanë, ënät ojts ja jyot wyinma'any mëk tpëjktakojnëpë ets ka'ap jëtu'un yi'iyëty ojts atu'uk ja ëxëëk winma'any tpaaty, näjyëtu'un ja wyintsëntëjkëty mëti'ipë ënäty mëët tyuunmuktën.

Biblia Dc en Mixe de Quetzaltepec

³⁴ E ko ja mëj'ënä'ämpë t'ijxy ko tëë ja tuu nyäxy, ka'ap y'ëktëtsntuunë, ka'ap ma ja ënääw wëtsuk y'ëk'ënanë, ënät ojts ja jyot wyinma'any mëk tpëjktakojnëpë ets ka'ap jëtu'un yi'iyëty ojts atu'uk ja ëxëëk winma'any tpaaty, näjyëtu'un ja wyintsëntëjkëty mëti'ipë ënety mëët tyuunmuktën.

Éxodo 9:34 ပူးပေါင်းရင်းမြစ်များ

Éxodo 7:14

Ok jatëkok yë Tios t'ënëmaay yë Moisés: Yë mëj'ënä'ämpë ka'ap ninu'un jyä'äkyukë, yë'ë ninu'un tkatimy'ëxmatsa'any yë Israel ja'ayëty.

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënäty të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

2 Crónicas 36:13

Ënät ojts tmëtsiptsoony ja yajkutujkpë Nabucodonosor, mëti'ipë ënäty të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënäty ja Tios të t'akäjpxyën.

Éxodo 4:21

Tä ja Tios t'ënëmaay ja Moisés: Ko mja'tëty jap Egiptë, wa'ats xjyä'ämyäjtsta'ajëty ja mëj'ajtën mëti'ipë mtunëpën ma yajkutujkpën, jëtu'un ijxtëm xynyijawën, ko tëë mijts nmo'oy yë kutujkën ets mëj'ajtën xyaj'ixëtëty. Ëjts mëti'ipës xypyatpën, yë yajkutujkpë ni'ikyës kujuun mpëjkta'aka'any ets ka'ap tsyojkja'akyukëty, jëtu'un'äämpy ka'ap ja Israel ja'ayëty tsojk'ëxmatsëty.

Éxodo 9:33

Ko yë Moisés jap tsyo'ony ma kajpnën, ma ënäty mëët të myëtyä'äkyën ja mëj'ënä'ämpë, ënät ojts ja Tios tmëpëjktsoy, tä ënätyë ja tëtsn tuu nyäxy, ja ënääw wëtsukëty ka'ap ojts y'ëk'ëtëts y'ëk'ënanëtë.

Éxodo 9:35

Ja mëj'ënä'ämpë kä'äpyëm kyäjpxyjyä'äykyujkëy, ka'ap ojts ja Israel ja'ayëty t'ëxmatsy tsojk, jëtu'un tä ënäty ja Tios të tnikäjpxyën.

1 Samuel 6:6

¿Wi'ix ko ënät miitsëty janty juun yë mjot mwinma'any xypyëjkta'aktëty jëtu'un tä y'ëtë'ëtstën yë Egiptë ja'ayëty ets yajkutujkpë, koonëm ojts ëxëëk ja Tios tyunëtë täänëm t'ëxmajtstë ja Israel ja'ayëty?