Éxodo 9:3 - Biblia Mixe de Quetzaltepec

³ yë Tios yajkëta'akäämpy yë myëk'ajtën jam ma jëyujkëtyën, mëti'ipë jam myajtënääpyën mkamwinm mtu'uwinm ets nëjkx y'o'kta'atë mëët ja pa'am ëyo'on. Nëjkxëp y'o'kta'atë yë jëyujk tsajpkaa, këwaayëty, kruktsëty, tsajppaxëty kupixynyëty.

Biblia Dc en Mixe de Quetzaltepec

³ yë Dios yajkëta'akäämpy yë myëk'ajtën jam ma jëyujkëtyën, mëti'ipë jam myajtënääpyën mkamwinm mtu'uwinm ets nëjkx y'o'kta'atë mëët ja pa'am ëyo'on. Nëjkxëp y'o'kta'atë yë jëyujk tsajpkaa, këwaayëty, kruktsëty, tsajppaxëty kupixynyëty.

Éxodo 9:3 ပူးပေါင်းရင်းမြစ်များ

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kutujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Hechos 13:11

Tyam ja Wintsën mtëytyuna'anyë, winpi'its mwë'ëma'any, jeky xykya'ixëty yë xëëw ajajk. Tääts ënätyë ojts wyi'im kupi'its kukoots. Je'eyë tjaakpëjktsooy pën tu'uwinye'eyëtëpën.

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Tios ënäty o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënäty jëtu'un të tyimmiimpë.

Éxodo 8:19

Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Tios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënäty ja Tios të tnikäjpxyën.

Éxodo 5:3

Ënät y'ëtsoowtë: Mëti'ipë yë hebreo ja'ayëty Tyios'ajtëpën yë'ëjës të xynyimintë, paaty oy kyopkpëkyëty etsës jam nëjkxtëty wintë'ëtstum, jää jëtää jyëkämëty tëkëëk xëëw ye'eyën mëët yaa, yë'ë ëëts nëjkx nmo'oja'antë yë wyintsë'kën yë Wintsën, mëti'ipës nTios'ajtëpën, këtiipës n'ëk'o'knëtëty mëët yë pa'am ëyo'on ëkë tsip käjpxy.

Salmos 39:10

Këtiis nëkoo ëxëëk xytyuny xy'ënëëmë; ëjts janty yun janty këtawës näjyawëty koos xywyopy xykyä'ätsy.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënäty mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Génesis 47:17

Ënät yë Egiptë ja'ayëty ojts tmënëjkxtë yë kyëwaayëty, kyupixynyëty, tsyajpkaajëty ets kyëruktsëty ma José ets tukwinkupëka'antë ja tsajpmok, tu'kjëmëjt ojts jëtu'un yë José tjë'kxymyo'oy yë Egiptë ja'ayëty.