Éxodo 9:28 - Biblia Mixe de Quetzaltepec

²⁸ Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Tios mëët ëëtsëty ets jëtu'un yam n'ëxmatstëty.

Biblia Dc en Mixe de Quetzaltepec

²⁸ Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Dios mëët ëëtsëty ets jëtu'un yam n'ëxmatstëty.

Éxodo 9:28 ပူးပေါင်းရင်းမြစ်များ

Éxodo 8:8

Ënät ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Éxodo 10:17

Tyam miitsëty n'amëtow npëjktsowtë ets yä'ätyë jëtu'unë etsës xypyokymyä'kxtëty ets xymyënu'kxta'aktëty yë mWintsënëty, wä'än tjëpëky ya'atë ëyo'on jotmay ma ëëtsëtyën.

Éxodo 8:28

Tä ja yajkutujkpë ojts y'ëtsoy: Tyam n'ëxmatstëty ma xy'antijyën mnëjkxa'antë, ko m'ëna'antë ko jam mnëjkxa'antë të'ëts'itum ets nëjkx xymyo'oja'antë ja wyintsë'kën ja Wintsën mëti'ipë mTiosajtëpën, mëti'ipë tëy këtii nëkooyë jëkäm mtimnyëjkxtëty. Ets mënu'kxta'aktë yë mTiosëty mëët ëjts.

Hechos 8:24

Tääts ja Simón y'ëtsooy: Tuknija'amyäjtsëtëkës ja Wintsën etsës ka'ap jëtu'un njatëty ijxtëm mijts të m'ëna'antën.

Éxodo 11:1

Tä ja Tios t'ënëmaay ja Moisés: Njaakyajminäämpyës tu'uk yë ëyo'on ma mëj'ënä'ämpën ets ma tëkokyë yë Egiptë ja'ayëtyën. Ko ja jëtu'unpë tyunëtëty jyatëtëty ka'ap nëjkx yë mëj'ënä'ämpë je'eyë m'ënë'ëmxëty nëjkxtë, nëjkxëp kë'ëm mtimnyiminëtë ets nëjkx mënu'kxtä'äky myajtsoonëtë.

Éxodo 8:25

Ënät ja mëj'ënä'ämpën tnikäjxëy ja Moisés ets ja Aarón ets t'ënëmaay: Oy nëjkx xy'ëwtatë yë mTiosëty, je'eyëp ko nawinkon mnëjkxkojtëty, këtii nëkooyë mtimjyëkämkä'äktëty ets ënät mtimtsyoontëty tu'ukyë yaa Egiptë.

Éxodo 10:8

Ënät ja mëj'ënä'ämpë ojts jatëkok tmëkäjpxy ja Moisés ets ja Aarón, tä t'ënëmaay: Nëjkx ëwtatë yë mWintsënëty mëti'ipë mTiosajtëpën. Je'eyëp ko tuk'ëwa'anëkës pënjaty nëjkxaanp.

Éxodo 10:24

Tä ja yajkutujkpë ojts tmëkäjpxy ja Moisés ets t'ënëmaay: Nëjkx ëwtatë yë mWintsënëty, mënëjkxtë näjyëtu'un yë m'u'unk m'ëna'këty; e yë'ë tëy yë mjëyujk mtsajpkaajëty, mtsajppax mkupixynyëty yaa xyajwë'ëmtëty.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Reyes 13:6

Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

Jeremias 21:2

Tun yë mëyajtën, yajtëw wäänë yë Wintsën mëët ëëtsëty, yë Nabucodonosor mëti'ipë jam Babilonyë yajkutujkpën, yë'ëjës ëxëëk xytyuuntëp ets tëëjës yë nnaax nkajpn tyajnatuky. Wä'änxyëp yë Wintsën yë myëj'ajtën tyaj'ixëtëty ets jeexyë yë Nabucodonosor tyajwinpity ets jatëkok tnajtskäxëty ma nyaax kyajpnën. Ënät ja Wintsën ojts tmëkäjpxy yë Jeremías,

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

Números 21:7

Tä ja Moisés ojts ënätyë tninëjkxtë ets t'ënëmaaytyë: Poky ëëts të ntuntë, ko yë Tios ets mijts wiinkjaty myajnikäjpxy myajnimëtya'aktë. Paaty ënëëmë Tios wä'än tyajjëwä'äky yë tsa'any. Ënät yë Moisés ojts tmënu'kxtä'äky yë Tios ets tpokmyä'kxëty yë Israel ja'ayëty.