Éxodo 9:21 - Biblia Mixe de Quetzaltepec

²¹ E mëti'ipë ka'ap ojts ninu'un timmyëpëktë ja aaw ayuk, jëtu'unyë t'ëxmajtstaaytyë winë ëwaatsëtuuy.

Biblia Dc en Mixe de Quetzaltepec

²¹ E mëti'ipë ka'ap ojts ninu'un timmyëpëktë ja aaw ayuk, jëtu'unyë t'ëxmajtstaaytyë winë ëwaatsëtuuy.

Éxodo 9:21 ပူးပေါင်းရင်းမြစ်များ

Daniel 10:12

Ënätës xy'ënëmaay: Këtii mtsë'ëkë, Daniel, jä'ä ko jä'ä xëëw ma ojts mijts xytyuknipëjktaakës xyjyä'äkyukëja'ay tsipëtypë winma'any ets m'ënany ko yu'unk naxy mnäpyëjkta'aka'anyë Tios wintum, yë'ë ojts tmëtoy yë mnu'kxtakën. Paatykyëjxmës ëjts të nminy.

Ezequiel 40:4

Ënät tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Proverbios 24:32

Koos jëtu'un të n'ixy, täätsës të nmëmay të nmëtajy etsës të npaaty ja winma'any.

Job 34:14

Ko y'ëkyajpëjkëty yë naaxwiinyëtë ja'ay yë xyejy, tëkokyë yë'ëjëty poj'am y'o'kta'atëty ets jatëkok y'awinpitëty naaxway.

Job 7:17

¿Tii yë naaxwiinyëtë ja'ay tyimkëjxm'ajtyp ko mëj'äämpy xypyëjktä'äky? ¿Wi'ix ko ni'ik xytyimmëjotmaypyääty?

1 Crónicas 22:19

E tyam yë'ë ënät mtuntëp, tu'ukyë ja mwinma'any xypyëjkta'aktëty ma Wintsënën, mëti'ipë m'ëwtatëpën. Tuknipëjktaakëtë yajxon ets xykyojtëty ja Wintsën ja tsyajpjëën tsyajptëjk ets jëtu'un yajmëminëty ja kyaaxë ets ja apëjk atu'unën mëti'ipë ëmaayëtyën ma Wintsën ja tyëjkën ets jap yajpëjkta'akëty ma ja mëti'ipë yajkojaanpën.

1 Samuel 4:20

E ko t'ijxtë ja to'oxytyëjkëty ko mëpaatëp y'o'knë, ënät t'ënëmaaytyë: Këtii mtsë'ëkë mjawë, ye'etyëjk m'u'unk'ajtypy. Yë'ë ka'ap y'ëtsooy ets ka'ap tuuny këwentë.

Éxodo 7:23

Tä ja mëj'ënä'ämpë ojts wyimpijnë nyëjkxnëpë jatëkok ma ja kyutujktaknën, mëti'ipë ënäty të tyuny të jyätyën, ka'ap ja tmëjpëjktäky.

Éxodo 9:20

Jënaakën ja wintsëntëjkëty ojts tmëpëktë, jëtu'un tä ënäty ja Tios të tnikäjpxyën ets tpëjktaktë ja tyuunpëtëjkëty tëkoty ets näjyëtu'un ja jyëyujkëty.

Éxodo 9:22

Ënät ja Tios t'ënëmaay ja Moisés: Yujkxaj yë mkë'ë tsajpjotm ets wä'än tka'ay yë tëtsn tuu ma tëkokyë yë nyaax kyajpnën yë Egiptë ets näjyëtu'un ma ja'ayëtyën ets ma jëyujkëtyën.

Proverbios 22:3

Yë ja'ay mëti'ipë wijyën poj'am t'ixy ko muum kyutsë'ëkëty ets ënätyë tjëjpkuwa'akë; e mëti'ipë ka'ap wyijyëtyën, ni'ikyë tyu'uye'ey'ëti'ity ets ëxëëk jyäty kyëpety.