Éxodo 9:18 - Biblia Mixe de Quetzaltepec

¹⁸ E ka'ap wyi'ixëty, ko jyopy'atëty, ya'atpë xëëw, yajxonës mëk nyajtëtsntu'uja'any, kajëna'a jëtu'un yaa Egiptë kyatëtsntu'uynyëm, tä jopy xy'ixa'anyën.

Biblia Dc en Mixe de Quetzaltepec

¹⁸ E ka'ap wyi'ixëty, ko jyopy'atëty, ya'atpë xëëw, yajxonës mëk nyajtëtsntu'uja'any, kajëna'a jëtu'un yaa Egiptë kyatëtsntu'uynyëm, tä jopy xy'ixa'anyën.

Éxodo 9:18 ပူးပေါင်းရင်းမြစ်များ

Salmos 83:15

jëtu'un ixjëtit pajëtit tä wyëtsukyën, ets ëtsë'ëkë mëët yë mëkpoj mëk yoots.

2 Reyes 7:1

Tä ja Elisejë y'ëtsooy: Mëtoow'it yajxon, wi'ix ja Wintsën y'ënä'änyën. Jëtu'un y'ënä'äny: Jëpom ko ya'atpë'atëty, jam ma Samaria kajpn yajnitëkën, jä'ä wëxtujk tsimpë ja tsajpmok tsyoowpaata'any tu'uk je'eyë nyipoop pujxn meeny; e yë majkmokx tsimpë yë cebadë jä'ä tsyoowpaata'any tu'uk je'eyë nyipoop pujxn meeny.

1 Reyes 20:6

Ets ëpëky jëpom nkäxä'änyës yë ntsiptuunpëtëjkës jam ma mkutujktaknën ets nëjkx tuk'ix tukwoonëtë ja mkutujktakn ets ja jyëën tyëjkëty ja mwintsëntëjk mëti'ipë mëët mtuunmukyën, mëti'ipë ënäty tsyojkën'ajtëpën yë'ë tjä'ä'ata'antë.

1 Reyes 19:2

Ënät ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

2 Reyes 7:18

Jëtu'un tyuunë jyajtë tä ënäty ja Wintsën ja kyäjpxynyajxpë të t'ënëëmën ja yajkutujkpë, wi'ix jä'ä xëëw tyuna'any jyata'anyë jam Samaria ets ma ja tëjkëtyaknën, ko ënäty yajjuyä'äny ja tsajpmokway, ja wëxtujk tsimpë tu'kpajk je'eyë ja nyipoop pujxn meeny ets ja cebadë majkmokx tsimpë nän tu'kpajk je'eyë ja nyipoop pujxn meeny.

Apocalipsis 16:21

Ets ja tëtsn tuu ojts kyä'äy tsajpwinm, janty mëjjëty ma ja ja'ayëtyën, wëxtyikxy kilë naxy jye'emtyëty tu'ukpë ja tëstn ets wäänëni'ik ja ja'ay tmëtëkooytyë ja Tios, oy ja ëyo'on jya'ity ko ja tëtsn tuu kyä'äy.

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

Job 37:13

Tëkokyë mëti'ipë tuunëpën jajtëpën aakyë'ë Tios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Job 38:22

¿Tëë xy'ixy'ätyë maas npëjkë'ëkyën yë tsajp o'pky ets tëtsntuujë

Éxodo 10:6

Nëjkxëp tyajtuktujkta'atë yë mkutujktakn ets mjëën mtëjk, näjyëtu'un yë mwintsëntëjk yë jyä'äjëty mëti'ipë mëët mtuunmukyën ets tu'kë'ëyë yë jyëën tyëjkëty yë Egiptë ja'ayëty. Ya'atë jëtu'unpë tyuna'any jyata'anyën ka'ap yë mteety m'ap t'ijxtë, ko jyuuky'ajtë ets jëtu'un tyampaat. Ko ojts kyajpxta'ay, ënät ja Moisés wya'akwinpijty ets ojts tsyo'onë ma ja mëj'ënä'ämpë yajkutukyën.

Éxodo 10:14

Tä tukye'eyëtyääytyë tëkokyë ja naax kajpn. Nijëna'a ënäty jëtu'un kyayaj'ixynyëm ja maymyu'u tä jam kyëxë'ëkyën ets näy ka'ap nëjkx jëtu'un nijëna'a y'ëkyaj'ijxnë jëtu'un tä ojts kyëxë'ëkyën jä'ä xëëw.

Éxodo 11:6

Mëj këjää nëjkx yë jë'ëyën yaxën y'ity ma Egiptë kajpnën, jëtu'un tä ka'ap nijëna'a tyunyënëm jyätyënëm ets ka'ap nëjkx nijëna'a y'ëktuun y'ëkjajtënë.

Job 38:23

mëti'ipës nkejxypyën koos yë ëyo'on nyaj'ity ets ko yë tsip käjpxy y'ityë?