Éxodo 9:14 - Biblia Mixe de Quetzaltepec

¹⁴ Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Biblia Dc en Mixe de Quetzaltepec

¹⁴ Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Éxodo 9:14 ပူးပေါင်းရင်းမြစ်များ

Éxodo 8:10

Oy jopy, jëtu'un ja mëj'ënä'ämpë y'ëtsooy. Tä ja Moisés y'ëtsoowëmpijty: Tyam jëtu'un yajtunëty ets xynyijawëty, ko ka'ap maa wiinkpë jëtu'unpë tä nWintsën'ajtëm Tiosën.

Apocalipsis 22:18

Ni'ëmukë mëti'ipë myëtoow'ijtëpën yë aaw ayuk mëti'ipë jaaypyetyën ma ya'atë nokyën, tyamës nnikäjpxy: Pën jää pën tjaakyajni'ikë, näjyëtu'un ja Tios yajni'ikëtëty ja ëyo'on mëti'ipë yap të yajjaaypyetyën ma ya'atë nokyën.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Miqueas 6:13

Paaty të ntuknipëjktaakës ets ntëytyuna'any ets njo'otsa'any mëët ko të mpokytyuny.

Jeremias 19:8

Aanë'ëk tëëtsë'ëk nyaj'awinpita'anyës ya'atë kajpn, je'eyë ja'ay tsyë'ëkëtëty ko t'ixtëty. Yë ja'ay mëti'ipë jam najxtëpën je'eyë nëjkx tnimon tnituktë ets je'eyë nëjkx tsyë'ëkëtë ko t'ixtëty ëxëëk të jyäty ja naax kajpn.

Jeremias 10:6

Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Salmos 86:8

Ka'ap ma wiinkpë tios jëtu'unpë tä mijtsën, Wintsën. Ka'ap ma wiinkpë mëti'ipë jëtu'un winë tyuunpyën tä mijtsën.

1 Crónicas 17:20

Wintsën, kamaa jëtu'unpë Wintsën muum kyayajpaatëty tä mijts mTios'atyën ets ka'ap ma wiinkpë tios jëtu'unpë winë janty'oy tuny tkäjpxyën, tä ja mëti'ipë ëëtsëty kë'ëm të ntimy'ixtën

1 Reyes 8:38

Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Tios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.

Levitico 26:28

Ëjts nëjkxëpës näjyëtu'un miitsëty ntukjoot'anpëktë. Nëjkxëp ntëytyuntë mëët ja mëkjoot'an ets wëxtujk'ok nëjkx jyaak yajni'ikës ja tëytyu'unën ma miitsëtyën, mëët ja mpokykyëjxmëty.

Levitico 26:21

Pën miitsëty kä'äpyëm nkäjpxyjyä'äkyukëtë ets ka'ap ninu'un xytyim'a'ixëtë xymyëmëtowa'antës. Miitsëty kopkpëky ko jatëkok ntëytyuntëty ets wëxtujk'ok nëjkx njaakyajni'ikës ja tëytyu'unën ma miitsëtyën.

Levitico 26:18

Pën kä'äpyëm jëtu'un mëtowtë, oy jëtu'un ja ëyo'on xyjyapaat xyjya'ixtë, nëjkxëp jatëkok ntëytyuntë ets wëxtujk'ok nëjkx nyajni'ikënës ja ntëytyu'unënës.

Éxodo 9:15

Ka'ap jeexyë të xykyamayës mijts ëxëëk të ntuny mëët yë ëyo'on jotmay kanaakpëkpyë ma mijtsën ets ma mnaax mkajpnën ets mijts jëna'ajëp jeexyë mjëwa'knë yaa naaxwiiny.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Deuteronomio 3:24

Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Tios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën.

Deuteronomio 4:35

Tëkokyë ya'atë, paaty kyëjxm të myajtuk'ixtë ets xynyijawëtëty, ko yë Wintsën yë'ë tu'uk Tios mëtëypyë ets jëtu'un tä yë'ëjën ka'ap maa wiinkpë.

Isaías 45:5

Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Tios. Tëë nyaj'ijxpëky ets mtsiptunëty oyës të xykya'ixy'äty,

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Daniel 5:21

Yajjëëwijt jam ma ja ja'ayëtyën ets jëtu'un y'awinpijty aayjëyujk ujtsjëyujkën; ojts mëët tsyënaaymyuky yë krukts ets tsajpkaa ets aayjëyujk ujtsjëyujk ëwa'anëtypë, ojts ja jyot nyini'kx nyimaaniky, koonëm t'ijxpaty yë Tios Ni'ik këjxmëpë, mëti'ipë myëët'ajtypyën yë kutujkën ets mëk'ajtën ma naaxwiinyëtë ja'ayëtyën ets ko yë'ë myoopy ja kutujkën ja ja'ay mëti'ipë yë'ë y'a'ijxëpën.

Éxodo 8:6

Ënät yë Aarón ojts jam tjantynyajtstijë yë tyajk, maajaty ja nëë yajpaatyën mëti'ipë japën Egiptë ets ja nooty jap myäypyëtsëëmtë ets tyajwintujktaaytyë ja Egiptë kajpn.