Éxodo 8:26 - Biblia Mixe de Quetzaltepec

²⁶ Ënät ja Moisés y'ëtsooy: Ka'ap yowë y'oy'atëty jëtu'un, jä'ä ko yë jëyujkëty mëti'ipës yë Tios ntukwintsë'këtyëpën, yë Egiptë ja'ayëty wa'ats yë tyajnaxtë, ko jëtu'un t'ixtëty ëëts ja nTios ntukwintsë'ëkëtë ja jëyujk mëti'ipë yë'ëjëty kënu'kxy yajnajxtëpën, tsojkës xyaj'ooktëty.

Biblia Dc en Mixe de Quetzaltepec

²⁶ Ënet ja Moisés y'ëtsooy: Ka'ap yowë y'oy'atëty jëtu'un, jä'ä ko yë jëyujkëty mëti'ipës yë Dios ntukwintsë'këtyëpën, yë Egiptë ja'ayëty wa'ats yë tyajnaxtë, ko jëtu'un t'ixtëty ëëts ja nTios ntukwintsë'ëkëtë ja jëyujk mëti'ipë yë'ëjëty kënu'kxy yajnajxtëpën, tsojkës xyaj'ooktëty.

Éxodo 8:26 ပူးပေါင်းရင်းမြစ်များ

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 43:32

Ja José ëpëky ojts ja kyä'äyën y'ukën yajni''ixë, e ja Jacob ja y'u'unk y'ëna'k nän ëpëky, ja Egiptë ja'ayëty, mëti'ipë ënäty mëët kyäytyën ja José, nän ëpëky ja jyä'äjëty yajni''ijxëtyë. Jä'ä ko yë Egiptë ja'ayëty ka'ap ënäty tyajkutuktë kyääymyuk y'ukmuktëty mëët yë hebreo ja'ayëty.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

2 Reyes 23:13

Ojts may tjijtë'ëky ja tsajptëjk mëti'ipë jamën awinmtsow ma ja Jerusalén kajpnën ets ëpa'tkë'ëmtsow ma ja Olivos kopkën mëti'ipë ojts ja Salomón tkojyën, jampë yajkutujkyën Israel; jä'ä tyuknikojëy ja Astarté, mëti'ipë ja Sidónja'ay ja'ayëty y'ëwtajtëpën mëti'ipë ja Wintsën ëxëëk t'ixyën; ojts tnikojë näjyëtu'un ja Quemós, mëti'ipë yë Moab ja'ayëty y'ëwtajtëpën ets tuknikojëy näjyëtu'un yë Milcom, mëti'ipë y'ëwtajtën yë Amón ja'ayëty.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënäty mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Éxodo 8:8

Ënät ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.