Éxodo 8:16 - Biblia Mixe de Quetzaltepec

¹⁶ Jëtu'un yë Tios t'ënëmaay yë Moisés: Ënëëmë yë Aarón wä'än tnajtstijë yë tyajk ets twojpyu'kxëty yë naaxway ets y'awinpijta'atëty maytyukts ma tëkokyë nyaax kyajpnën yë Egiptë.

Biblia Dc en Mixe de Quetzaltepec

¹⁶ Jëtu'un yë Dios t'ënëmaay yë Moisés: Ënëëmë yë Aarón wä'än tnajtstijë yë tyajk ets twojpyu'kxëty yë naaxway ets y'awinpijta'atëty maytyukts ma tëkokyë nyaax kyajpnën yë Egiptë.

Éxodo 8:16 ပူးပေါင်းရင်းမြစ်များ

Éxodo 8:5

Ënät ja Tios t'ënëmaay ja Moisés: Ënëëmë yë Aarón wä'än tnajtstijë yë tyajk ma mëjnëëjën, ma nëëwokën ets ma nëë'akëyën, japts myäypyëtsëmtëty yë nooty ets tyaj'utstëty yë Egiptë kajpn.

Éxodo 8:17

Jëtu'un ojts tjantytyuntë, yë Aarón ojts tnajtstijë yë tyajk ets ojts twojpyu'kx ja naaxway ets y'awinpijtaay tsukts, ma tëkokyë yë Egiptë kajpnën, ya'atë maytyukts ojts myintë jä'ä mëti'ipë ëxëëk tsu'tstëpën ets mëti'ipë mëk nä'ämtëpën ma ja ja'ayëtyën ets ma ja jëyujkëtyën.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënäty ja Tios të t'akäjpxyën.

Éxodo 8:18

Ja xëëwmääpyëtëjkëty näjyëtu'un ojts tjatunankojnëtëpë tjayajpëtsëmantë ja tsukts, e ka'ap ojts y'ëkmaayënëtë. Ya'atë tsuktsëty ëxëëk y'ëtëtstë ma ja'ayëtyën ets ma jëyujkëtyën.

Salmos 105:31

Je'eyë ojts yë Tios kyäjpxy ets myäypyëtsiimy yë aktsa'ak ets tsukts, wa'ats tyajtuktujktaaytyë Egiptë itjot.

Éxodo 4:23

Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.