Éxodo 7:14 - Biblia Mixe de Quetzaltepec

¹⁴ Ok jatëkok yë Tios t'ënëmaay yë Moisés: Yë mëj'ënä'ämpë ka'ap ninu'un jyä'äkyukë, yë'ë ninu'un tkatimy'ëxmatsa'any yë Israel ja'ayëty.

Biblia Dc en Mixe de Quetzaltepec

¹⁴ Ok jatëkok yë Dios t'ënëmaay yë Moisés: Yë mëj'ënä'ämpë ka'ap ninu'un jyä'äkyukë, yë'ë ninu'un tkatimy'ëxmatsa'any yë Israel ja'ayëty.

Éxodo 7:14 ပူးပေါင်းရင်းမြစ်များ

Éxodo 10:27

E yë Tios nän yë'ë kë'ëm tyajkutuky ets ja mëj'ënä'ämpë ka'ap ninu'un jyä'äkyukëty ets ka'ap tsojk'ëxmatsëty ja Israel ja'ayëty.

Éxodo 10:20

Yë Tios yë'ë ojts kë'ëm tuknipëjktaakë ets ja mëj'ënä'ämpë ëxëëk kujuun nyäpyëjkta'akëtëty ets ka'ap tsojk'ëxmatsëty ja Israel kajpn.

Éxodo 10:1

Ënät yë Tios t'ënëmaay yë Moisés: Nëjkx xy'ixy yë yajkutujkpë, ëjts tëëjës ntuknipëjktaakë ets ka'ap jyä'äkyukëty, näjyëtu'un yë wyintsëntëjk, jëtu'un'äämpyts tjëkyäpëty ets ntuk'ixëtyës ja nmëj'ajtënës mëti'ipës ntunäämpy nkajpxäämpyën.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënäty ja Tios të t'akäjpxyën.

Hebreos 12:25

Näkyëwent'atëtë, mëmëtowtë ja Tios. Mëti'ipë ja Tios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Zacarías 7:12

Juun ja y'aaw jyot tpëjktaktë tä juuntsaajën ets ka'ap tmëtoowkujkëtyë wi'ix ja ijxpëjkën jya'ëna'anyën ets wi'ix ja tyiyajtën jyaminyën, mëti'ipë ojts tjakajpxnaxtën ja käjpxynyajxpëtëjkëty mëët ja myëjaaw myëk'ajtën ja Wintsën mëti'ipë maaytyääyëpën winë. Paatykyëjxm ja Wintsën mëk jyoot'anpëjky,

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Éxodo 10:4

Jä'ä ko pën mijts je'eyëmën xy'ëtuky yë nyë'ë'aaw tyu'u'aawëty yë nnaax nkajpnës, tim jëpomës nkäxëty yë maymyu'u ets myäyjya'tëty yaa ma mnaax mkajpnën.

Éxodo 9:2

Pën ka'ap xy'ëxmatsy, je'eyë ni'ikyë xy'ëtuky yë nyë'ë'aaw tyu'u'aawëty,

Éxodo 8:2

Pën ka'apëtën xy'ëxmatsy ëjts nyaj'ëyowäämpyës yë mnaax mkajpn mëët yë maynyooty.

Éxodo 4:23

Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Éxodo 7:13

Oy jëtu'un jyatuun jyajajtë, yë yajkutujkpë ka'ap ninu'un kyäjpxyjyä'äykyujkëy, jëtu'un tä ënäty ja Tios të tnikäjpxyën.

Éxodo 7:15

E jopy tsojk nëjkx xy'ijxkojy, ko nyëjkxëty nëë ëkë'p, jap nëjkx xy'ëwxity, mënëjkxëp ja mtajk mëti'ipë ojts y'awinpityën tsa'any.

Éxodo 9:7

Ojts ja mëj'ënä'ämpë jam ja tyuunpë tkexy, ma ja jyëyujk tsyajpkaa jam tyänëtën ja Israel ja'ayëty. Ja yajkutujkpë je'eyëm ka'ap ninu'un kyäjpxyjyä'äykyujkëy ets ka'ap t'ëxmajtsy ja Israel ja'ayëty ets jap tsyoontëty.

Éxodo 3:19

E ëjts wa'atsës nijawë ko ja mëj ënä'ämpë japë Egiptë tyunyën ka'ap mtsojk'ëxmatsa'anëtë; atsip nëjkx m'ëxmatsëtë.

Éxodo 8:11

Yë nooty jëwa'kta'atëp ënät yam ma myajkutukyën ets jäpyë wyë'ëmtëty mëjnëëjoty. Näyjyëtu'un yë mwintsëntëjkëty ka'ap nëkoo y'ëkyajjotkëjxënëtëty ets näjyëtu'un nitëkokyë yë mja'ayëty.

Éxodo 9:34

E ko ja mëj'ënä'ämpë t'ijxy ko tëë ja tuu nyäxy, ka'ap y'ëktëtsntuunë, ka'ap ma ja ënääw wëtsuk y'ëk'ënanë, ënät ojts ja jyot wyinma'any mëk tpëjktakojnëpë ets ka'ap jëtu'un yi'iyëty ojts atu'uk ja ëxëëk winma'any tpaaty, näjyëtu'un ja wyintsëntëjkëty mëti'ipë ënäty mëët tyuunmuktën.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënäty të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

1 Samuel 6:6

¿Wi'ix ko ënät miitsëty janty juun yë mjot mwinma'any xypyëjkta'aktëty jëtu'un tä y'ëtë'ëtstën yë Egiptë ja'ayëty ets yajkutujkpë, koonëm ojts ëxëëk ja Tios tyunëtë täänëm t'ëxmajtstë ja Israel ja'ayëty?