Éxodo 7:10 - Biblia Mixe de Quetzaltepec

¹⁰ Tä ja Moisés ets ja Aarón ojts tninëjkxtë ja mëj'ënä'ämpë ets jëtu'un tjantyuuntë, tä ënäty ja Tios të y'ënä'ämëtën. Ja Aarón ojts nasjëpipë ja tyajk yajkutujkpë wyintum ets ma ënäty jam yajpaatën ja tyuunpëtëjk, tä ja tajk ënätyë y'awinpijty tsa'any.

Biblia Dc en Mixe de Quetzaltepec

¹⁰ Tä ja Moisés ets ja Aarón ojts tninëjkxtë ja mëj'ënä'ämpë ets jëtu'un tjantyuuntë, tä ënety ja Dios të y'ënä'ämëtën. Ja Aarón ojts nasjëpipë ja tyajk yajkutujkpë wyintum ets ma ënety jam yajpaatën ja tyuunpëtëjk, tä ja tajk ënätyë y'awinpijty tsa'any.

Éxodo 7:10 ပူးပေါင်းရင်းမြစ်များ

Éxodo 4:3

Tä ojts yë Tios y'ënë'ëmxëty: Najtsjëpipë naaxkëjxy. Ënät ojts yë Moisés tjantynyajtsjëpipë yë tyajk ets ojts y'awinpity ja tyajk tsa'anyën. Yë Moisés ko jëtu'un t'ijxy ënätyë ojts pyëyë'ktsoony ets ojts jyakä'äka'any.

Lucas 10:19

Ëjts miits të nmo'otë ja kutujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Amós 9:3

Ko jam jyanäyu'utsëtëty këjxm ma Carmel kopkën, mpaja'tëpës jampaat; ko jap pën jyanäyu'utsëtëty nëëpa'tkë'p, nëjkxëpës jap ntuknikäxtë yë nëë jëyujk mëjpë ets tsyu'utsëtëty;

Éxodo 7:9

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty.

Éxodo 7:15

E jopy tsojk nëjkx xy'ijxkojy, ko nyëjkxëty nëë ëkë'p, jap nëjkx xy'ëwxity, mënëjkxëp ja mtajk mëti'ipë ojts y'awinpityën tsa'any.

Salmos 135:9

Jap Egiptë itkujky ojts jap mëj këjää yë ëyo'on tyajkëtä'äky ets tyajkëxë'ky ja myëj'ajtën ma ja Egiptë ja'ay kyutujkpën ets ma nitëkokyë ja tyuunpëtëjkën.

Éxodo 7:6

Moisés ets Aarón jëtu'un ojts winë tuntë ijxtëm ënäty ja Tios të tyuk'ënä'ämëtën.

Éxodo 7:20

Moisés ets Aarón ojts jëtu'un tuntë, tä ënäty yë Tios të y'ënë'ëmxëtën. Ënät ja Aarón ojts xyajjë'ëky ets tnëëkukäjpy ja tyajk, tam ënäty ja yajkutujkpë t'ixy, näjyëtu'un ja tyuunpëtëjk ojts t'ixt, tu'kë'ëyë ja nëë ojts y'awinpijta'ay ne'pny.

Éxodo 12:28

E ënät ojts nyëjkxta'atë ets tuuntë tä ënäty ja Wintsën të tuk'ëne'emyën ja Moisés ets ja Aarón.