Éxodo 7:1 - Biblia Mixe de Quetzaltepec

¹ Ënät yë Tios t'ënëmaay yë Moisés: Ëk'ix, mijts jëtu'un yam mpëjktäkpy tääjës jeexyë ëjts kë'ëm yë yajkutujkpë nmëkäjpxyën, e yë m'ajty Aarón yë'ë nyikajpxëp ja m'aaw m'ayuk.

Biblia Dc en Mixe de Quetzaltepec

¹ Ënet yë Dios t'ënëmaay yë Moisés: Ëk'ix, mijts jëtu'un yam mpëjktäkpy tääjës jeexyë ëjts kë'ëm yë yajkutujkpë nmëkäjpxyën, e yë m'ajty Aarón yë'ë nyikajpxëp ja m'aaw m'ayuk.

Éxodo 7:1 ပူးပေါင်းရင်းမြစ်များ

Salmos 82:6

Täätsës të n'ëna'any, ko miitsëty jëtu'un mja'ay'atë tä tiosën, ets aakyë'ë m'u'unk'ajtëtëp Ni'ik Këjxmëpë.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kutujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

1 Reyes 17:23

Tä ja Elías ënätyë ja pi'k ëna'k tsä'änë'ky ets tyajjënäjky jap ëpa'tkë'p ets tukë'ëtëjkëy ja tyaak, t'ënëmaay: Ix, ja m'u'unk tëë jatëkok jyuukpyiky.

2 Reyes 6:32

Yë Elisejë tam ënäty pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënäty tkexy tu'uk ja tyuunpë. E ka'anëm ënäty ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

Éxodo 16:29

Yë'ë yajxon mtimyjä'äymyätstëp, ko ëjts, mëti'ipë Wintsën'ajtpën, tëëjës tu'uk nnikäjpxy yë xëëw, mëti'ipë mpo'kxtëpën. Paatykyëjxm ma tyëtujkxëëwpetyën nmo'otë miits yë mjë'kxy mpëkëty mëti'ipë naje'eyë mni''itëpën mäjtsk xëëw. Ko ënät wyëxtujkxëëwpety, jam myajpaatëty ma mjëën mtëjkëtyën ets ni pën kyatsoonëty.

Génesis 19:21

Ënät ojts tu'uk y'ëtsoy ets y'ënäny: Tëëjës yam nmëtoy mëti'ipë të xy'amëtoyën, ka'apës nyajkutëkoyä'äny yë kajpn mëti'ipë mnikäjpxypën.

Eclesiastés 1:10

Ka'ap tyëkoy'äty ja'ay mëti'ipë ëna'anaanpën: Tyaapën tëy jemy. Oy jënu'un tii jemy jyayaj'ixy tääyëm yë'ë ma ëëtsajtëm ka'ap njä'ä'ajtëpën.

Salmos 78:12

Tios ojts yë myëj'ajtën tyaj'ixyë ma ja tyeety y'apetyën mëti'ipë ënäty jam tsënaaytyëpën Zoan, ma ja Egiptë y'itjotmën.

Hechos 7:7

Tää ja Tios jyaak'ënany: Ëjts ntëytyunäämpyës ja ja'ayëty mëti'ipë ënäty jëtu'un tuunëtëp ets ja m'u'unk m'ok nyajpëtsëma'anyës jam ets yaa myintëty etsës xywyintsë'ëkëtëty.