Éxodo 6:8 - Biblia Mixe de Quetzaltepec

⁸ Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Biblia Dc en Mixe de Quetzaltepec

⁸ Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Éxodo 6:8 ပူးပေါင်းရင်းမြစ်များ

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Ezequiel 20:42

Ko ënäty jam nyajtëkë Israel kajpnjoty, ma ja naax kajpnën mëti'ipë ja mteety m'apëty ojts ntukwinwanëtës, ënät nëjkx xynyijawëtë ko ëjts Wintsën.

Génesis 14:22

Tyaa Abram y'ëtsooy: Tëës yë Tios nwinwanë, yë Tios Ni'ik Këjxmëpë, mëti'ipë tsajp ets naaxwiinyëtë yajkojën,

Ezequiel 47:14

Ëjts ojtsës n'ënëëmë yë m'aptëjkëty ets nxëëwës ojts ntukajpxpety. Ko wä'än tyajwa'kxtë yë naax tu'knax. Ya'atë naax kajpn yë'ë nëjkx tkuma'ayën'atë.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.

Génesis 35:12

Yë it naaxwiinyëtë mëti'ipë të nmo'oyënës yë Abraham ets Isaac, näjyëtu'un mijts tyam nmo'oy, e nmo'ojäämpyës näjyëtu'un yë m'ok'u'unk m'ok'ëna'k.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Ezequiel 36:7

Paaty ëjts maas nWintsën'atyën, nxëëwës ntukajpxpejtyp etsës n'ëna'any ko tääpë naax kajpnëty nëjkxëp mëj këjää tsyëtyuntë jyääypyätë.

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënäty të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.

Ezequiel 20:23

Jam të'ëts'itjotm ojtsës n'ënëëmëtë ko jëtu'unyës nyajye'eywya'kxa'antë naaxwiinyëtë apëtsëmy,

Ezequiel 20:15

Näjyëtu'unës jam të'ëts'itjotm n'ënëmaaytyë, ko ka'apës nyajtëkëja'antë ma ja naax kajpnën mëti'ipës të njamo'otën, ma ja it naaxwiinyëtë oypyë tsujpë, ma ja jë'kxy pëky ka'ap y'ëmaaytyä'äkyën,

1 Samuel 15:29

Jä'ä ko yë Tios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 6:2

Ënät yë Tios ojts tmëkäjpxy yë Moisés ets t'ënëmaay: Ëjts WINTSËN.

Apocalipsis 10:6

ets ja Tios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënäty ja Tios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.

Números 14:30

Yi'iyë yë Josué ets Caleb jam nëjkx jya'të ets miitsëty nitu'uk nëjkx jam nkatëkëtë ma ja itjotmën mëti'ipë ntukwinwa'anëtyën mëët ja oyajtën xoontakën.

Josue 24:13

Tëë miits nmo'otë yë naaxwiinyëtë ma ënäty ka'ap nijëna'a të mtuntën ets ja naax kajpn ma ka'ap miitsëty të xykyojtën. E tyam jam mtsëënëtë ets yë'ë mjë'kxtëp ja aay ujts mëti'ipë ka'ap të xykyojtën. Ets ja Josué tjaaknikajpxëy ja y'ayuk:

Nehemías 9:15

Mooyë näjyëtu'un tsajpkääky ets ku'uxyë kyäytyëty y'uuktëty ets nëë tsaajotypë pyëtsiimyën ets nyëëtëëtsë tyajmontëty. Ets ok xy'ënëmaay ko tniwäänta'atëty ja it naaxwiinyëtë ma ënäty të xytyukwinwa'anëmën.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Números 10:29

Ënät ojts yë Moisés tëkok yë jyiy t'ënëëmë mëti'ipë xyëëwajtypyën Hobab, yë myaank yë Reuel mëti'ipë Madián ja'ayën: Ëëtsëty jamës nëjkxtë ma it naaxwiinyëtën mëti'ipës ja Tios të xytyukwinwanëtën. Min mëët ëëtsëty ets jëëky mëku'uk myajjawëty, jëtu'un tä Tios ëëts oy xymyëët'atën, maas n'Israel ja'ay'atën.

Números 11:12

¿Ëkë tyeety tyaak, ëkë pënës ëjts, koos xy'amëtoy etsës yë'ëjëty janty tseeny kony nmëët'atëty tä yë mëxu'unktëjk yajtsään yajkontën. Etsës ntimyajja'tëty jëtu'un ma ja it naaxwiinyëtën, mëti'ipë ojts xytyukwinwanën ja y'ap y'okëtyës?

Deuteronomio 4:31

Yë'ë mëët yë y'oyjyot y'oywyinma'any nëjkxëp mpa'ëyowëtë; ka'ap tu'ukyë m'ëxmatsa'anëtë ets ka'ap nëjkx myajkutëkooyënëtëpë. Ka'ap tja'atyëkoyä'äny ja käjpxytyu'unën, mëti'ipë tyuunën mëët yë m'ap m'okëty ko y'ënäny ko kopkpëky ko tuna'any.