Éxodo 6:7 - Biblia Mixe de Quetzaltepec

⁷ Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Biblia Dc en Mixe de Quetzaltepec

⁷ Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënety miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 6:7 ပူးပေါင်းရင်းမြစ်များ

Deuteronomio 29:13

Tyam yajxon yajnijawë, ko miitsëty Tios mtimykyajpn'ajtëtëp ets miitsëty yë'ë Wintsën mTios'ajtëp, tä ja Abraham, Isaac ets Jacob tukwinwa'anëyën, mëti'ipë miits m'ap'ajt m'ok'ajtëpën.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Tios yë kyajpn.

Deuteronomio 4:20

E miitsëty, Tios ojts kë'ëm mtimjyuutëtë jap Egiptë, ma ënäty myajpaatën mëj jëënjotypyën ets mkajpn niwanëtë.

Apocalipsis 21:7

Ya'atë kyuma'ayën'atëp pën ënäty mëtakpën, etsës yë'ë xyTios'atëty ets yë'ëjës n'u'unk'atëty.

Deuteronomio 26:18

Yë Wintsën tëë näjyëtu'un tnikäjpxy ko mijts Israel kajpn, mijts yë mkajpn'ajtëp, jëtu'un tä ojts mtukwinwanëtyën tëëyëp, e paaty tyam kopkpëky ko yë y'ënä'ämën tyiyajtën xypyatuunëtëty.

Deuteronomio 14:2

Jä'ä ko yë mWintsën Tiosëty yë'ë të y'ënä'äny, ko miits mjä'ä'ata'anëtë. Paaty kë'ëm të mtimwin'ixëtë ma wiinkëtypë ja naax kajpnën ets yë'ë mjä'ä'ata'anëtë.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Tios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Tios yajpaata'any mëët yë'ëty.

1 Pedro 2:10

Miitsëty ka'ap ijty yë Tios mkajpn niwa'anëtë; tyam, Tios miits mkajpn'ajtëtëp. Ka'ap ijty miits ja Tios mpa'ëyowëtë, tyam mpa'ëyoowënëtëp.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Mateo 22:32

Ëjts xyTios'ajt ja Abraham, Isaac ets ja Jacob? Tios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Tios y'ënë'ëmxëtë: Miitsëty yë'ë Tios juukpyë m'u'unk'ajtëtëp.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Isaías 41:20

ets tëkokyë yë ja'ay nijawëtëty, tmëmay tmëtajtëty ets tja'akyukëtëty, ko Tios winë të tyajkojy, mëti'ipë jam yajpatpën ma Israel ja'ayëtyën ets yë'ë winë të tpëjktä'äky.

Salmos 81:6

Tëë ntuknipëjktu'uty ja mtsëmy mkejkykyijxy, tëë nyajyu'unkëmë ja mtuunk ma ënäty mëk mtuny m'ëyoyën.

Éxodo 16:12

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 2:11

Ko ënäty yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënäty jam yajpaatën. Ënät ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënät jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënäty yë'ë mëët tyu'kja'ay'ätyën.

Éxodo 16:6

Ënät yë Moisés ets Aarón t'ënëmaaytyë yë Israel ja'ayëty: Tyam ko jyënäkyxyëëw'atëty jää ënät xynyijawëtëty ko yë Wintsën yë'ë ojts mjuutëtë jap Egiptë.

Levitico 11:44

Ëjts jëtu'un mWintsën Tiosëty, miitsëty wa'ats mëpaat mnäyaj'itëtë, jä'ä ko ëjts wa'atsës n'ity. Këtii mnätyukyaj'ëxëëkëtëty nimëti'ipë jëyujk mëti'ipë naaxwin'a'tspën.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Éxodo 7:17

Paaty tyam, jëtu'un yë Tios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Éxodo 13:3

Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënäty ëëtsëty nmëtun n'ëyowtën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 14:18

Koos ënäty jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënäty ja mnaax mkajpn të nyajxta'atë, ja mëti'ipë të xyjyä'äniwa'anyën.

Números 15:41

Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë ets yë'ë Tyios'ata'any ma miitsëtyën. Ëjts jëtu'un Wintsën, mëti'ipë miits mTiosajtëpën.

Deuteronomio 29:5

Ix jënu'un miitsëty të ntu'uwinwowtë, yaa të'ëts'ituuy wëxtyikxy jëmëjt ets ma tääpë wëxtyikxy jëmëjtpë të nyäxyën, ka'ap yë mkë'ëkëty ets mwitëty wi'ix të jyatë.

Deuteronomio 29:12

E paaty ya'atë käjpxytyu'unën tpa'atwa'akëtë, mëti'ipë ja Wintsën tyam tyuunpyën mëët miitsëty.

1 Reyes 8:60

jëtu'un ja wiinkëtypë ja naax kajpn nijawëtëty ko yë'ë tu'ukyë Wintsënajtp ets ka'ap maa wiinkpë.

1 Reyes 20:28

Ënät jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Isaías 51:15

Ëjts Wintsënajtp, mëti'ipë mTios'ajtypyën jä'äs nxëëwajtyp Wintsën mëti'ipë maaytyääyëpën winë; ëjts ojts nka'ap yu'kxy yë nëëmejy ets ojts y'ëëtstë kyomtë,