Éxodo 6:4 - Biblia Mixe de Quetzaltepec

⁴ Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Biblia Dc en Mixe de Quetzaltepec

⁴ Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 6:4 ပူးပေါင်းရင်းမြစ်များ

Génesis 28:4

Wä'än mo'oyë ja kënu'kxën ets näjyëtu'un ja m'u'unk m'ëna'k mëti'ipë ojts tukwinwanën ja Abraham ets yë'ë tjä'ä'atëty ya'atë naax kam ma tyam ntsëna'ayëmën ijxtëm yë jaaypyaat jaaypyo'kxyën, jä'ä ko jëtu'un ojts yë'ë tukwinwanë ja Abraham.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Hechos 7:5

E kä'äp ojts ja Tios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënäty y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënäty nitu'uk ja y'u'unknëm.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Salmos 105:12

Oyxyëp ënäty y'ëkniwäänë'atë ets yajpaatë tä jaaypyaat jaaypyo'kxyën naaxwiiny naaxkëjxy

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

Génesis 17:13

Nitu'uk ets ni pën mëpaat kyaninaxy yajtsukëty yë nyi'ak. Jëtu'unës yë nkäjpxy tyu'unën wyë'ëmëty ets nyikëxë'ëkëty ma miitsëty yë mkë'ëmxixyëtyën ijxtë mapaat mjuuky'atë.

Génesis 17:4

Yë'ë ya'atë käjpxy tyu'unën'ajtp mëti'ipës ntuunpyën mëët mijts. Mijts mteety'atëp ma tu'kë'ëyë naaxwiinyëtë ja'ayën.

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Génesis 6:18

E mëët mijts ntunäämpyës tu'uk yë käjpxytyu'unën. Mijts jap nëjkx mtëkë ma kepytyëjkën nëëwinye'epyë ets m'u'unk m'ëna'k ets mto'oxytyëjk ets mtsu'utëjk.

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Números 10:29

Ënät ojts yë Moisés tëkok yë jyiy t'ënëëmë mëti'ipë xyëëwajtypyën Hobab, yë myaank yë Reuel mëti'ipë Madián ja'ayën: Ëëtsëty jamës nëjkxtë ma it naaxwiinyëtën mëti'ipës ja Tios të xytyukwinwanëtën. Min mëët ëëtsëty ets jëëky mëku'uk myajjawëty, jëtu'un tä Tios ëëts oy xymyëët'atën, maas n'Israel ja'ay'atën.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Éxodo 13:4

Miitsëty ya'atë xëëw jëtu'un yaa mtso'ontë, ma y'änyën ja po'o mëti'ipë xyëëwajtypyën Abib.

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënäty ja Tios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.

Salmos 105:11

ko y'ënäny: Tyam nmo'ojëty yë it naaxwiinyëtë mëti'ipë jamën Canaán, jëtu'un tä yë näkyumayën mëti'ipë mpatëpën.