Éxodo 6:27 - Biblia Mixe de Quetzaltepec

²⁷ Näy yë'ë ya'atë Moisés ets Aarón ojts t'ënëëmëtë ja yajkutujkpë, mëti'ipë ënäty jap ënä'ämpën Egiptë, ko tyajpëtsëma'antë ja Israel ja'ayëty ma tääpë kajpnën.

Biblia Dc en Mixe de Quetzaltepec

²⁷ Näy yë'ë ya'atë Moisés ets Aarón ojts t'ënëëmëtë ja yajkutujkpë, mëti'ipë ënety jap ënä'ämpën Egiptë, ko tyajpëtsëma'antë ja Israel ja'ayëty ma tääpë kajpnën.

Éxodo 6:27 ပူးပေါင်းရင်းမြစ်များ

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 33:1

Tä yë Tios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Éxodo 32:7

Ënät ja Tios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 7:10

Tä ja Moisés ets ja Aarón ojts tninëjkxtë ja mëj'ënä'ämpë ets jëtu'un tjantyuuntë, tä ënäty ja Tios të y'ënä'ämëtën. Ja Aarón ojts nasjëpipë ja tyajk yajkutujkpë wyintum ets ma ënäty jam yajpaatën ja tyuunpëtëjk, tä ja tajk ënätyë y'awinpijty tsa'any.

Éxodo 6:26

E ya'atë ojts y'itë Aarón ets Moisés, mëti'ipë ja Tios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Éxodo 6:13

Ënät ojts yë Aarón ets Moisés tyuk'ënä'ämëtë yë Tios: ets t'ënëëmëtëty ja Israel ja'ayëty ets ja mëj'ënä'ämpë näjyëtu'un, ko yë'ëjëty myëët'ajtëp ja kutujkën ets tëë tuknipëjktaakëtë ko tyajtsoona'antë ja Israel ja'ayëty jap Egiptë.

Éxodo 6:28

Jä'ä xëëw ma Tios ojts tmëkäjpxyën yë Moisés jap Egiptë,

Josue 24:5

Ënätës nkejxy yë Moisés ets Aarón, etsës ntëytyuuny ja Egiptë ja'ayëty, koonëmës jap nju'ty ja Israel kajpn.

1 Samuel 12:6

Ojts ja Samuel näjyëtu'un ja naax kajpn t'ënëëmë: Yë Wintsën yë'ë jëtu'un ojts tyajtuny yë Moisés ets Aarón ko tyajpëtsëëmtë jap Egiptë yë m'ap m'okëty.

Salmos 105:26

Ënät yë Tios tkejxy yë tyuunpë Moisés ets Aarón, mëti'ipë ënäty të twin'ixyën,