Éxodo 6:26 - Biblia Mixe de Quetzaltepec

²⁶ E ya'atë ojts y'itë Aarón ets Moisés, mëti'ipë ja Tios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Biblia Dc en Mixe de Quetzaltepec

²⁶ E ya'atë ojts y'itë Aarón ets Moisés, mëti'ipë ja Dios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Éxodo 6:26 ပူးပေါင်းရင်းမြစ်များ

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 12:17

Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë.

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kutujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Éxodo 6:13

Ënät ojts yë Aarón ets Moisés tyuk'ënä'ämëtë yë Tios: ets t'ënëëmëtëty ja Israel ja'ayëty ets ja mëj'ënä'ämpë näjyëtu'un, ko yë'ëjëty myëët'ajtëp ja kutujkën ets tëë tuknipëjktaakëtë ko tyajtsoona'antë ja Israel ja'ayëty jap Egiptë.

Números 33:1

Yaa yajnimëtyä'äky maajaty ojts nyaxtën yë Israel ja'ayëty ko jap tsyo'ontë Egiptë waatswitsy tä yë tsiptuunpëtëjkëtyën, Moisés ojts wyinye'eyëtë mëët yë Aarón.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Salmos 99:6

Yë Moisés ets Aarón jam yajpaatë ma y'itën yë Tios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

1 Crónicas 6:3

Amram y'u'unk y'ëna'k jä'ä xyëëwajtë Aarón, Moisés ets Maria. Aarón y'u'unk y'ëna'k jä'ä xyëëwajtë Nadab, Abihú, Eleazar ets Itamar.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.

1 Samuel 12:6

Ojts ja Samuel näjyëtu'un ja naax kajpn t'ënëëmë: Yë Wintsën yë'ë jëtu'un ojts tyajtuny yë Moisés ets Aarón ko tyajpëtsëëmtë jap Egiptë yë m'ap m'okëty.

Josue 24:5

Ënätës nkejxy yë Moisés ets Aarón, etsës ntëytyuuny ja Egiptë ja'ayëty, koonëmës jap nju'ty ja Israel kajpn.

Éxodo 32:11

Yë Moisés ojts tjayajxäämanë mëktä'äky ja Wyintsën Tios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 32:7

Ënät ja Tios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Éxodo 6:20

Amram yë'ë ojts mëët pyiky ja tsyëkuu mëti'ipë xyëëwajtypyën Jocabed, yë'ë ojts tyajmëxu'unk'aty yë Aarón ets Moisés. Yë Amram jä'ä jyuuky'äjty mëko'px ja i'px majkmokx mäjtsk jëmëjt.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Génesis 2:1

Yë tsajp ets naaxwiinyëtë ets tu'kë'ëyë jënu'un ënäty yajpaatyën winë ma yë'ëjëtyën, ojts kyoj'apatëtyä'äy.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Tios ja nyaax kyajpn tsyo'onë jap Egiptë.