Éxodo 6:12 - Biblia Mixe de Quetzaltepec

¹² Tä yë Moisés t'ëtsoy yë Tios: Yë Israel ja'ayëty nijënu'unës xykyatuntë këwentë. ¿Tyam tiijës ënät tjaaktimtyuunta'akëp ets mëj'ënä'ämpë tmëpëkëty yë n'aaw n'ayukës. Tyamës ka'ap njatukjajtpë wi'ixës oy n'ëwëty nkajpxëty?

Biblia Dc en Mixe de Quetzaltepec

¹² Tä yë Moisés t'ëtsoy yë Dios: Yë Israel ja'ayëty nijënu'unës xykyatuntë këwentë. ¿Tyam tiijës ënät tjaaktimtyuunta'akëp ets mëj'ënä'ämpë tmëpëkëty yë n'aaw n'ayukës. Tyamës ka'ap njatukjajtpë wi'ixës oy n'ëwëty nkajpxëty?

Éxodo 6:12 ပူးပေါင်းရင်းမြစ်များ

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Éxodo 6:30

E yë Moisés ojts y'ëtsoy: Wintsën ëjts ka'apës ntukjaty wi'ixës nkajpxëtyën, ¿tiijës ntuunta'akëp etsës yë yajkutujkpë yë n'aaw n'ayukës tmëpëkëty?

Jeremias 6:10

Ënätës n'ëtsooy: ¿Pën jëtää y'ëkmëtowäämpy jëtu'unpë aaw ayuk koos nimëtya'akëty ets koos pën jëtu'un nja'ënëëmëty? Jëtu'un yajpaatë atsi'tstuky yowë tyatskëty. Ka'ap myëtowtë, ka'ap oy tmëtowtë yë m'aaw m'ayuk, je'eyë tnëxi'ik tukxi'iktë.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Tios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Levitico 26:41

Patyës ëjts miitsëty të ntukjoot'anpëktë ets të nyajnëjkxtë jam ma ja mëtsipëty ja nyaax kyajpnëtyën, ma ja m'ëxëëk winma'anyëty ojts ka'ap jä'ä tyunyën ets ja mpoky xykyumëtoowtë.

Éxodo 6:9

Moisés ojts ja aaw ayuk tjakajpxnaxy, e yë'ëjëty ka'ap ojts tmëpëktë, jä'ä ko ja mëktuunk jä'ä ënäty tyäty myëmaay tyäty myëtajtëp.

Éxodo 3:13

E ja Moisés tyaa ojts y'ëtsoy: Mëti'ipës tëy nmëmääpy nmëtäjpyën, yë'ë koos yë Israel ja'ayëty nëjkx nja'ënëëmëtë, ko yë Tios mëti'ipë y'ëwtajtën yë mteety m'apëty, yë'ëjës të xykyexy yaa ma miitsëtyën, tääjës nëjkx ënätyë xyajtëwtë, ¿tii xyëëwajtyp? E ëjts wi'ixtsës n'ëtsowëty.

Jeremias 9:26

ijxtëm yë Egiptë ja'ayëtyën, Judá ja'ayëtyën, Edom ja'ayëtyën, Amón ja'ayëtyën, Moab ja'ayëtyën ets tëkokyë naax kajpn mëti'ipë yajpatëpën jam të'ëts'itjotm ets mëti'ipë näy'awaay jyäjpëtëpën. Jä'ä ko tu'kë'ëyë ja naax kajpn aak ka'ap ja ye'etyëjkajtën nyatsujk'ëwtity'atë, ni'ik yë Israel kajpn jä'ä ko jap ka'ap y'oy'atë ma jyot wyinma'anyëtyën.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Éxodo 3:11

Ënät ja Moisés t'ënëmaay ja Tios: ¿E pënës ëjtspë etsës nëjkx n'ëkwinkuwa'akë yë yajkutujkpë etsës ënät ja Israel ja'ayëty njuutëty jap Egiptë?

Éxodo 4:1

Yë'ëjëty ka'apës yë xymyëpëktëty ets nän ka'apës yë xytyuntëty kyëwentë, jëtu'un y'ëtsooy ja Moisés. Yë'ëjëty tsojk nëjkx ni'ikyë y'ëna'antë, ko yë wintsën ka'ap maa të npaatyës.

Éxodo 6:13

Ënät ojts yë Aarón ets Moisés tyuk'ënä'ämëtë yë Tios: ets t'ënëëmëtëty ja Israel ja'ayëty ets ja mëj'ënä'ämpë näjyëtu'un, ko yë'ëjëty myëët'ajtëp ja kutujkën ets tëë tuknipëjktaakëtë ko tyajtsoona'antë ja Israel ja'ayëty jap Egiptë.