Éxodo 5:21 - Biblia Mixe de Quetzaltepec

²¹ ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Biblia Dc en Mixe de Quetzaltepec

²¹ ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Éxodo 5:21 ပူးပေါင်းရင်းမြစ်များ

Génesis 34:30

Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

1 Crónicas 19:6

Jëtu'un'äämpy ja Amón ja'ayëty ojts mëtsip y'awinpitë mëët ja David, ko ënäty ëxëëk ja jyä'äy të tuunëtë, paaty ja Hanún ets ja Amón ja'ayëty may tyajmujktë ja poop pujxn ets tjuuytyë pujxnwintëkäämpë mëti'ipë myëtsiptuunantëpën ets tmëjuuytyë näjyëtu'un may ja tsiptuunpë mëti'ipë tso'ontëpën jam Mesopotamia, Sirië, Maacá ets Sobá,

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

1 Samuel 27:12

E ja Aquis tyuk'ijxpejtyp ja David näjyëtu'un ets ijty myäy tyäjy: Yë David yajxon yowë të tmëtsiptso'onë yë Israel ja'ayëty, oy jëtu'un, jëtu'un tjëkyäpëty ëjts xymyëtunëtyës.

1 Samuel 13:4

Tëkokyë ja Israel ja'ayëty wa'ats tnija'awëtyääytyë ko ja Saúl ënäty tëë tyajkutëkooytyä'äy ja filistejë ja'ayëty mëti'ipë këwent'ajtëpën. Paatykyëjxm ja filistejë ja'ayëty mëk tukjoot'anpëjktë ja Israel ja'ayëty. Ko ja Israel ja'ayëty ye'eymyujktaaytyë ënät tpuwa'këtyë ja Saúl jam Guilgal.

Éxodo 6:9

Moisés ojts ja aaw ayuk tjakajpxnaxy, e yë'ëjëty ka'ap ojts tmëpëktë, jä'ä ko ja mëktuunk jä'ä ënäty tyäty myëmaay tyäty myëtajtëp.

Génesis 16:5

Ënät ja Sarai t'ënëmaay ja nyiye'etyëjk Abram: Mijts poky mëët'ajtyp koos yë Agar ka'ap xy'ëkmëj'ijxnë. Ëjts mijts kë'ëm të nmo'oy ets xymyëët'atëty ijxtëm jeexyë xytyo'oxytyëjkëtyën. E ko ënät nyäjyawëty u'unk nyëkëjxm'ajtyp, mëj këjxm nyäjya'awënë. Tios ënät ëna'anëp, pën yë poky myëët'ajtyp, pën ëjts ëkë mijts.

Joel 2:20

Tyam njëpëka'anyës ma miitsëtyën yë mu'u mëti'ipë tso'ontëpën anëkëxmtsow ets jam të'ëts'itjotm najtskäjxëja'anyës. Jam Ooky Nyëëjotm nyajkiinta'aja'antës mëti'ipë winye'eyëtëpën, mëti'ipë paye'eyëtëpën jam nyajkiinta'aja'anyës ma Mejyën Naax'akujkpyë, jëtu'unyë nëjkx yë jyot nyini'kxëty wyimputskëta'aktë ets xyuuktëty jyoktëty. Mëj këjääjës winë ntuna'any nkajpxa'any.

Eclesiastés 10:1

Ëxëëk xyuuky tu'uk yë tsaty'ooky, yajma'typ yë olivë on mëti'ipë pa'akxu'kpën. Yajmëjnajxyp yë ja'ay ni'ik yë wäänëpë inkäjpxy, këtiinëm yë wijy'aaw wijy ayuk mëti'ipë yajkajpxpën mëët näwyinkutsë'ëkë.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënäty jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënäty ja Tios myëmay myëtajëtë ets ko ënäty tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Tios t'ëwtatën.

Génesis 31:53

Wä'än yë'ë tkëwentëpëky yë Tios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënät yë Jacob ojts tukë'ëwan tukë'ëyaaxë ja Tios mëti'ipë ënäty jam y'ëëwmujk kyajpxmujktëpën, ja Tios mëti'ipë ja tyeety Isaac y'ëwtajtën.

Éxodo 5:20

Ko jam tsyo'onëtë ma ja yajkutujkpën, ënät mëët nyäpyatëtë ja Moisés ets ja Aarón ma ënäty jam y'ëwxitën,

Éxodo 15:24

Ënät ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 16:2

E ko jam jya'ajtë ma ja të'ëts'itën, ënätyë tnimëtyaktëjkëtyë wiinkjaty ja Moisés ets ja Aarón.

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.