Éxodo 40:9 - Biblia Mixe de Quetzaltepec

⁹ Tääts ja on, mëti'ipë winë mëët yajkënu'kxyën xytyuknixijkxta'ajëty ja Tios ja jyëën tyëjk ets jënu'un jap winë y'ityën, aakjëtu'un xykyënu'kxta'ajëty ja apëjk atu'unën jënu'un jap tyuna'anyën ma ja Tios ja jyëën tyëjkën, jëtu'un'äämpy tääpë ja it naaxwiinyëtë wyë'ëmëty kënu'kxy ets wa'ats.

Biblia Dc en Mixe de Quetzaltepec

⁹ Tääts ja on, mëti'ipë winë mëët yajkënu'kxyën xytyuknixijkxta'ajëty ja Dios ja jyëën tyëjk ets jënu'un jap winë y'ityën, aakjëtu'un xykyënu'kxta'ajëty ja apëjk atu'unën jënu'un jap tyuna'anyën ma ja Dios ja jyëën tyëjkën, jëtu'un'äämpy tääpë ja it naaxwiinyëtë wyë'ëmëty kënu'kxy ets wa'ats.

Éxodo 40:9 ပူးပေါင်းရင်းမြစ်များ

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Tios të mwin'ixyë, yë Tios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Éxodo 37:29

Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.

Éxodo 39:39

ja tsuxkpujxn wintsë'këntyakn ets näjyëtu'un ja tsuxkpujxn atënaayë'ëk, mëët ja nyiwitsë ets tëkokyë jënu'un mëët tyunyën; tä ja pujxn kë'ëpujtakn mëët ja nyi'ëjx.

Éxodo 40:8

Tä ënät näjyëtu'un xyaj'oyëty ja nyitëja'aw ets xypyëjkta'akëty ja nyiwit'atëëytyuk jam ma yajnitëkën.

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Ezequiel 28:14

Ojts ntukmëwë'ëmy tu'uk yë tsajpjotmëtë kukäjpxy ets mkëwent'atëtëty, jam ënäty myajpaaty ma Wintsën yë kyopkën wa'atspë ets mëtsa'a itkujky mnaxy mtëkë.

Levitico 8:10

Tä ojts ja Moisés tpëjkë'ëky ja on, mëti'ipë yajtukkënu'kxpën winë ets ojts txijkxjëtity ma ja tsajptëjkën jap tëkotsyow ets ma tëkokyë jënu'un ënäty jap winë yajpaatyën. Jëtu'un'äämpy ojts tkënu'kxta'ay winë.

Números 7:1

Jä'ä xëëw ma ojts ja Moisés tyaj'apatëtyä'äyën ja Tios ja wyittëjk. Ënät ojts tkënu'kxy mëët yë on ets jëtu'un tkënu'kxtaay winë jënu'un ënäty tyuna'anyën ma ja Tios ja wyittëjkën ets mëti'ipë tunaanpën ma wintsë'këntyaknën.

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Juan 3:34

Pën ja Tios të kyexyë, Tios ja y'aaw y'ayuk myëtyäkpy, jä'ä ko Tios ja Jya'awën të tyäky ëmuumtu'ukjot.

2 Corintios 1:22

Tëë ja ijxwë'ëmën tpëjktä'äky ma ëëtsajtëmën ets tëë ja Kënu'kxymyëkajtën tpëjktä'äky ma ja njoot'ajt nwinma'any'ajtëmën ets yajnijawëty ko xypyaat'ajtëmë ja oyajtën mëti'ipë miinpën.

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Tios Teety të xyajjotkujk'ajtëmën.

Hebreos 9:21

Näyjyëtu'un ja Moisés ojts ja ne'pyny tuknixijkxy ja tsajptëjk ets tu'kë'ëyë mëti'ipë yajtuuntëpën ko ja Tios twintsë'ëkëtë.

1 Juan 2:20

Tëë miits ja Tios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.