Éxodo 40:3 - Biblia Mixe de Quetzaltepec

³ Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Biblia Dc en Mixe de Quetzaltepec

³ Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 40:3 ပူးပေါင်းရင်းမြစ်များ

1 Crónicas 17:5

Maju'unëm jap mtso'ontën Egiptë, ëjts ka'apës nijëna'a muum tsajptëkoty të n'ity, je'eyës ja ntëjk witnikemyë muum yajpëjktakojy ets janaam jatsojk muum yajmënëjkxy.

Éxodo 25:10

Oytyun tu'uk yë kaaxëë, yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ja kujkm ets myëjwiin'atëty tu'kkë'ënux ja kujkm ets kyëjxm'atëty tu'kkë'ënux ja kujkm.

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Éxodo 26:31

M'oytyunëp näjyëtu'un tu'uk yë wit mëjpë mëti'ipë y'atëëytyukëpën, kanaak yë y'ujkën tmëët'atëty: ukywyit, tsu'unk wit, tsaptswit ets linë wit awiity; jam xyajkëxkojëty mäjtsk yë awinax jëtu'unpë kyëxë'ëkyën, tä yë tsajpjotmëtë kukäjpxyëty y'awinax käkn mëëtpë.

Éxodo 31:7

Ja wit tëjk ma ja näpyaatë y'ityën mëët ja Tios, ja kaaxë mëti'ipë myë'ijtypyën ja käjpxytyu'unën, ja kaaxë ja nyi'akë'ë ets tëkokyë jënu'un jap winë tyunyën ma ya'atë wit tëjkën,

Éxodo 35:12

ja kaaxë mëët ja nyikepy mëti'ipë yajtukpakë'ëjëpën, ja nyi'akë'ë, ja nyiwit mëti'ipë nyijuux'atëpën,

Éxodo 35:4

Ënät ja Moisés ojts tmëkäjpxy ja mayjyä'äy ets t'ënëmaay: Ya'atë yë Tios nyi'ënä'ämëp ets yajtunëty.

Éxodo 39:32

Ja wit tëjk ma y'ityën ja näpyaatë mëët yë Tios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Tios tuk'ëne'emyën ja Moisés,

Levitico 16:14

Tääts näjyëtu'un wäänë ja tsajpkaa ne'pny tpëjkë'ëkëty, mëti'ipë ënäty të wyintsë'kën'atyën ets jam txijkxjëtitëty ma ja Wintsën ja kyaaxë akë'ë ja pya'ajën, mëti'ipë najts'ijxëpën matsow ja xëëw pyëtsimyën. Ënät näjyëtu'un wëxtujk'ok jam txijkxjëtitëty ma ja potsyën ma ja wintsë'kën yajyäkyën.

Números 4:5

Ko ja naax kajpn tyu'utëkëtëty, yë Aarón mëët yë y'u'unk y'ëna'k yë'ë nëjkx tyajënaktë ja wit'atëëytyuk, mëti'ipë ja Tios ja wyittëjk mëët yajtuk'atëëytyukyën ma yajnitëkën ets yë'ë tuknipä'äntëty ja kaaxë mëti'ipë ja käjpxytyu'unën myë'ijtypyën.

Hebreos 9:3

Ma ja mëmäjtskpë tëkotën jä'ä xyëëwajt Tëkot ni'ik wa'atspë;

Apocalipsis 11:19

Ënät ja Tios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.