Éxodo 40:2 - Biblia Mixe de Quetzaltepec

² Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Biblia Dc en Mixe de Quetzaltepec

² Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Dios.

Éxodo 40:2 ပူးပေါင်းရင်းမြစ်များ

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Éxodo 13:4

Miitsëty ya'atë xëëw jëtu'un yaa mtso'ontë, ma y'änyën ja po'o mëti'ipë xyëëwajtypyën Abib.

Números 7:1

Jä'ä xëëw ma ojts ja Moisés tyaj'apatëtyä'äyën ja Tios ja wyittëjk. Ënät ojts tkënu'kxy mëët yë on ets jëtu'un tkënu'kxtaay winë jënu'un ënäty tyuna'anyën ma ja Tios ja wyittëjkën ets mëti'ipë tunaanpën ma wintsë'këntyaknën.

Números 1:1

Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty:

Éxodo 40:6

Tä ënät näjyëtu'un xykyiiytya'akëty ja wintsë'këntyakn ma jëyujk nyitoytyëtyën, winkon xypyëjkta'akëty ma ja tsajptëjk yajnitëkën, jä'ä ja wit tëjk ma ja näpyaatë y'ityën.

Éxodo 36:18

Ojts t'oytyuny wëxtyikxy majk yë jo'kn, mëti'ipë oytyunyën mëët yë tsuxkpujxn ets jä'ä mëët yajtuk'ajo'kmukëty ja wit tëjk.

Éxodo 35:11

Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx,

Éxodo 30:36

Tääts wäänë xymyä'äjëty ooky yajxon ets jam xypyëjkta'akëty winkon ma kaaxë y'ityën, jap ma ja wit tëjkën ma ja näpyaatë y'ityën mëët ja Tios, jap n'antijyës maas jap näpyaata'anyën mëët mijts. Ya'atë on wa'ats y'ita'any ma miitsëtyën.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 26:7

Oytyun näjyëtu'un majktu'uk yë po'o'atëëytyuk, aakyë'ë tsajppax nyipo'o myajtuunëp ets yë'ë xytyuknitëyëty ja tsajptëjk.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Éxodo 19:1

Ënät ojts ja Israel ja'ayëty jya'të jam ma tu'uk ja itjot txëëwatyën Sinaí jam të'ëts'itjotm, tëkëëk po'o ënäty të nyäxy ma tsyo'ontën jap Egiptë.

Éxodo 40:1

Ënät yë Tios ojts tmëkäjpxy yë Moisés ets t'ënëmaay:

Números 9:1

Kom jëmëjt ma ënäty yë Israel ja'ayëty të tsyoontën jap Egiptë, ma y'änyën yë mëtu'kpo'opë. Ko jëmëjt tsyo'ontä'äky, jää ojts yë Tios tmëkäjpxy yë Moisés jam kopkkëjxm ma txëëwatyën Sinaí ets t'ënëmaay:

Números 9:15

Jä'ä xëëw ma ojts tkojtën ja Tios ja jyëën tyëjk, ja wit tëjk mëti'ipë myë'ijtypyën ja käjpxytyu'unën. Ënät ojts jam nyäpyëjktä'äkyë ja yoots tëjknëkëjxy ets jëtu'un tyim xëëwnajxy. E ko tsyu'ujënë jëtu'un yaj'ijxy tä jëënën ets jëtu'un ojts tyimkuxëënyë.

1 Crónicas 17:5

Maju'unëm jap mtso'ontën Egiptë, ëjts ka'apës nijëna'a muum tsajptëkoty të n'ity, je'eyës ja ntëjk witnikemyë muum yajpëjktakojy ets janaam jatsojk muum yajmënëjkxy.

2 Crónicas 29:3

Yë'ë ojts tyaj'ëwa'atsy yë tsajptëjk, ma mëtu'uk jëmëjt yajkutukyën ets ja tsajptëjk tkoj o'oyëy.

Ezequiel 40:1

Ma myajk anyën yë po'o, jä'ä xëëw ma jemy jëmëjtën, ojts yë Wintsën yë kyë'ë tpëjktä'äky maas ëjtsën ets ojts nwin'ixyës xywyoownëjkxy jam ma Israel nyaaxjotmën. I'px mëkoxk jajëmëjt y'apäjnë ma ënäty të nyajmënëjkxtënës tsum matsy jam Babilonyë ets majkmajkts jëmëjt ma ënäty ja Jerusalén kajpn të yajnitëkën. Jam ma Israel yë nyaaxjotmën jam ojts yë Wintsën xyajpetyës ma tu'uk yë kopkën; jam n'ijxpatyës ëpa'tkë'ëmtsow, tamtëm yë tëjk jyätyë, mëj kajpnën kyëxë'ëky.

Ezequiel 45:18

Ëjts Wintsën, jëtu'unës yam n'ëna'any: Ko tyu'uk'anëty yë mëtu'kpo'opë, yë'ë nëjkx jää xyaktë yë tsajpkaa ayääkë mëti'ipë oy mëkën ets yë'ë mëët wya'atsëty yë tsajptëjk.