Éxodo 40:19 - Biblia Mixe de Quetzaltepec

¹⁹ Ojts twijtstëëwta'ay ja wit ma ja Tios ja jyëën tyëjkën ets ojts tpëjktä'äky ja nyiwits nyijuux jëtu'un tä ënäty ja Wintsën të tni'ënä'ämën.

Biblia Dc en Mixe de Quetzaltepec

¹⁹ Ojts twijtstëëwta'ay ja wit ma ja Dios ja jyëën tyëjkën ets ojts tpëjktä'äky ja nyiwits nyijuux jëtu'un tä ënety ja Wintsën të tni'ënä'ämën.

Éxodo 40:19 ပူးပေါင်းရင်းမြစ်များ

Éxodo 40:18

Moisés ojts tpëjktä'äky ja Tios ja jyëën tyëjk ets tpëjktaktaay ja nyi'ëjx, ojts tmä'kxta'ay ja kepyjyiity ets tmooytyääy ja witsë ets tyajwa'akë'ktaay ja xeny.

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Tios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënäty ja Wintsën të tni'ënä'ämën.

Números 4:25

Yë'ë nëjkx tmënëjkxtë ja wit'atëëytyuk, mëti'ipë tuunpën ma ja Tios ja wyittëjkën, ja wit tëjk ma ja näpyaatë y'ityën mëët yë Tios ets ja po'o'ak mëti'ipë nyipëk'ajtypyën ja tëjk ets ja wit'atëëytyuk mëti'ipë yajtuk'atëëytyujkpën ja najxtakn. Jä'ä ja najxtakn jampë jyä'tyën ma ja wit tëjkën ma näpyaatë y'ityën mëët yë Tios.