Éxodo 4:5 - Biblia Mixe de Quetzaltepec

⁵ Ya'atë yë'ë jëtu'un ets tmëpëktëty, ko yë Tios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Biblia Dc en Mixe de Quetzaltepec

⁵ Ya'atë yë'ë jëtu'un ets tmëpëktëty, ko yë Dios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Éxodo 4:5 ပူးပေါင်းရင်းမြစ်များ

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 18:1

Ënät yë Tios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënäty yë Abraham y'u'unyë tyëjkwinm jää jëtää nakujkxyëëwën.

Génesis 26:2

Jam ojts yë Wintsën nyänyikëxë'ëkyë ma Isaac ets ojts y'ënë'ëmxëty: Këtii mnëjkxëty Egiptë, jam wë'ëm ma yam ntuk'ënëëmëja'anyën.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 48:15

Ënät ojts yë José yajkënu'kxy mëët ya'atë aaw ayuk: Yë Tios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Tios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 48:3

Tä t'ënëmaay ja José: Yë Tios mëti'ipë maaytyääyëpën winë, yë'ë ojts jam nyänyikëxë'ëkyë maas ënäty jamën, ma ja Luz kajpnën ma Canaán y'itjotmën, etsës ojts xykyënu'kxy

1 Reyes 18:36

Ko ojts tpaaty ma ënäty ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënäty tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

Éxodo 19:9

ënät ja Tios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënäty mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënäty ja naax kajpn të y'ëtsoowinpityën,

Éxodo 3:15

Ojts yë Moisés näjyëtu'un yë Tios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënäty mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Éxodo 3:4

Ko ja Tios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Tios jeexyë t'ixy,

Éxodo 4:1

Yë'ëjëty ka'apës yë xymyëpëktëty ets nän ka'apës yë xytyuntëty kyëwentë, jëtu'un y'ëtsooy ja Moisés. Yë'ëjëty tsojk nëjkx ni'ikyë y'ëna'antë, ko yë wintsën ka'ap maa të npaatyës.

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënäty ja Tios myëmay myëtajëtë ets ko ënäty tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Tios t'ëwtatën.

Éxodo 4:4

Tä ja Tios ojts ënätyë myëkäjpxyë ets y'ënëmaayë: Nastijë yë mkë'ë ets xymyatsëty yë tsa'any ma pyi'ixyën. Yë Moisés ojts ja tsa'any jam tmatsy ma ja pyi'ixyën ets jatëkok y'awinpijty tajk.

Isaías 7:9

Yë Efraín ja'ayëty Samaria nikopk'ajtëtëp, yë Samaria ja'ayëty Remalías nikopk'ajtëtëp. Pën miitsëty ka'apës yë n'aaw n'ayuk xymyëpëjkëtë, tyam yajxon ntimy'ënëëmëtë ko nëjkxëp mkutëkooytya'atë.

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Juan 11:15

Jotkujkës näjyawëty ko ka'apës jam të nyajpaaty, ets näjyëtu'un miits xytyuk'oy'ata'antë ets xymyëpëktëty. Ja'amtë n'ëk'ijxëmë.

Juan 11:42

Nija'apës ko xëmë mijts xy'amëtoow'ityës ets yë'ëjës xyaj'ënaanp ets ya'atë ja'ay oyajtën tpaatëty mëti'ipë tyam yaajëtyën ets tmëpëktëty ko mijts të xykyexyës.

Juan 20:27

Tääts ja Jesús t'ënëmaay ja Tomás: Pëjkta'ak yaa mkë'ëwa'axy ets ijxëkës yë nkë'ë; ets atijë mkë'ë maas nkatsyën. Këtii kujuun mnäypyëjktä'äkyë, mëpëk.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Tios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Tios Teety ëjts xymooyën ets ntunëtyës, yë'ë yajtëytyëjkëp koos ja Tios Teety të xykyexy.

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënäty nyijkx tsënääpyë ma ja it txëëwatyën Harán, ko ja Tios mëjpë jaantypë ojts nyänyikëxë'ëkyë ma yë'ëjën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.