Éxodo 4:23 - Biblia Mixe de Quetzaltepec

²³ Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Biblia Dc en Mixe de Quetzaltepec

²³ Tëë n'ënëëmë etsës yë n'u'unk nmaay xy'ëxmajtsëty, wä'änës min xy'ëwtatë, e jä'ä ko ka'ap niwi'ixtsow xy'ëxmatsa'any, tyam nyaj'ookëpës ënät yë mkä'äxkopk.

Éxodo 4:23 ပူးပေါင်းရင်းမြစ်များ

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Éxodo 11:5

ets y'ooka'antë yë kä'äxkopktëjkëty maajaty yë jëën tëjkën jap Egiptë, yë'ëpaat yë mëj'ënä'ämpë myaank, mëti'ipë jam ënyääypyën ma kutujktaknën ets yë'ëpaat yë to'oxytyëjk mëtuunpë mëti'ipë jëjtstëpën myaankëty. O'kta'ajantëp näjyëtu'un yë kyä'äxkopkëty yë jëyujkëty.

Salmos 135:8

Yë'ë ojts tyaj'o'kta'ay ja kä'äxkopktëjk ma ja Egiptë ja'ay ja y'u'unk y'ëna'këtyën, ets näjyëtu'un ojts tyaj'o'ktaay ja jëyujk tsajpkaa ja kyä'äxkopk mëti'ipë ënäty yë'ë jyä'ä'ajtëpën.

Salmos 105:36

Yaj'o'ktaay jap Egiptë tëkokyë kä'äxkopktëjk ma ja Egiptë ja'ayëtyën.

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Éxodo 7:16

Tääts jap xy'ënëëmëty: Yë Wintsën mëti'ipë yë hebreo ja'ayëty Tyios'ajtëpën, tëëjës xy'ayukmo'oy ets mijts ntuk'ëwaanëty, jëtu'un m'ënë'ëmxëty: Ëxmats yë nnaax nkajpnës, wä'änës min xy'ëwtaty yam wintë'ës'itum. E tyampaat mijts ka'ap mkäjpxyjyä'äkyukë.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Éxodo 6:11

Nëjkx ënëëmë yë mëj'ënä'ämpë, ko wä'än t'ëxmatsy yë Israel ja'ayëty jap Egiptë.

Éxodo 8:1

ënät yë Tios t'ënëmaay ja Moisés: Nëjkx xy'ixy yë mëj'ënä'ämpë ets xy'ënëëmëty: Jëtu'un yë Tios y'ënä'äny: Ëxmajtskës yë nnaax nkajpn wä'änës min xy'ëwtaty.

Éxodo 8:20

Tä ja Tios t'ënëmaay ja Moisés: Yë mëj'ënä'ämpë jap jopy tsojk nyëjkxa'any nëë ëkë'p paaty mijts tsojk jopy mpëtë'kojëty ets nëjkx xy'ënëëmë: Jëtu'un yë Tios të y'ënä'äny: Ëxmajtskës yë nkajpn, wä'änës min xy'ëwtaty.

Éxodo 9:1

Ënät yë Tios t'ënëmaay yë Moisés: Nëjkx xy'ixy yë yajkutujkpë ets xy'ënëëmëty: Jëtu'un yë Wintsën y'ënä'äny mëti'ipë yë hebreo ja'ayëty Tyios'ajtëpën: Ëxmajtskës yë nkajpn wä'änës min xy'ëwtaty.

Éxodo 9:13

Ënät ja Tios t'ënëmaay ja Moisés: Jopy mpëtë'kojëty mëjjajp poopjajp ets nëjkx xy'ënëëmë yë mëj'ënä'ämpë: Jëtu'un yë Tios y'ënä'äny mëti'ipë Tyios'ajtëpën yë hebreo ja'ayëty: Ixmats yë nkajpnës wä'änës min xy'ëwtaty.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Éxodo 18:8

Tä ja Moisés jap ja myë't tukmëmëtyaktaay, wi'ix ënäty ja Wintsën të tunyën ja Egiptë mëj'ënä'ämpë, näjyëtu'un tëkokyë ja Egiptë ja'ayëty ets wi'ix ënäty të yajputëkëtën ja Israel ja'ayëty, ma ja y'amay jyotmayëtyën kanaakpë ets wi'ix ja Tios të yajtso'okëtën.

Salmos 136:10

Mëti'ipë ojts tyaj'o'kta'ayën ja kä'äxkopktëjk ma ja y'u'unk y'ëna'kën ja Egiptë ja'ayëty, jä'ä ko yë tsyojkën jya'awën winë xëëw winë jëmëjt yë y'ijtëy.

Oseas 11:1

Ko yë Israel kajpn ënäty pyi'k'atynyëm, ntsojkpy nja'apës ijty; yë'ëkyëjxm ko ënäty n'u'unk'atyës, ojtsës nyaxtsoy ets tsyoonëty jap Egiptë.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënäty mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Éxodo 8:16

Jëtu'un yë Tios t'ënëmaay yë Moisés: Ënëëmë yë Aarón wä'än tnajtstijë yë tyajk ets twojpyu'kxëty yë naaxway ets y'awinpijta'atëty maytyukts ma tëkokyë nyaax kyajpnën yë Egiptë.

Éxodo 8:17

Jëtu'un ojts tjantytyuntë, yë Aarón ojts tnajtstijë yë tyajk ets ojts twojpyu'kx ja naaxway ets y'awinpijtaay tsukts, ma tëkokyë yë Egiptë kajpnën, ya'atë maytyukts ojts myintë jä'ä mëti'ipë ëxëëk tsu'tstëpën ets mëti'ipë mëk nä'ämtëpën ma ja ja'ayëtyën ets ma ja jëyujkëtyën.

Éxodo 9:2

Pën ka'ap xy'ëxmatsy, je'eyë ni'ikyë xy'ëtuky yë nyë'ë'aaw tyu'u'aawëty,

Éxodo 10:4

Jä'ä ko pën mijts je'eyëmën xy'ëtuky yë nyë'ë'aaw tyu'u'aawëty yë nnaax nkajpnës, tim jëpomës nkäxëty yë maymyu'u ets myäyjya'tëty yaa ma mnaax mkajpnën.

Éxodo 13:15

Ko yë yajkutujkpë ka'ap kyäjpxyjyä'äykyujkëy ets ka'ap xy'ëxmatsantës, yë Tios yë'ë ojts tyaj'o'kta'ay yë kä'äxkopktëjk ma Egiptë ja'ayëtyën ets näjyëtu'un ja jyëyujkëty ja y'u'unkëty mëti'ipë më''ëka'any mëxu'unk'ajtën. E paaty jëtu'un ëëts ja Tios ntukwintsë'ëkëtë tu'kë'ëyë yë jëyujk, mëti'ipë ëka'any miintëpën naaxwiiny ets mëti'ipë yä'äyëtyën, jëtu'un ja Tios nmo'otës mëti'ipë ja n'u'unkëtyës kyutëkats'ajtypyën, mëti'ipë më''ëka'any mëxu'unk'ajtëpën, ja ye'etyëjkpë.