Éxodo 4:22 - Biblia Mixe de Quetzaltepec

²² Ënät xy'ënëëmëty yë yajkutujkpë: Jëtu'un yë Wintsën y'ënä'äny: Yë Israel yë'ëjës jëtu'un nja'ap tääjës jeexyë nkä'äxkopkëtyën.

Biblia Dc en Mixe de Quetzaltepec

²² Ënet xy'ënëëmëty yë yajkutujkpë: Jëtu'un yë Wintsën y'ënä'äny: Yë Israel yë'ëjës jëtu'un nja'ap tääjës jeexyë nkä'äxkopkëtyën.

Éxodo 4:22 ပူးပေါင်းရင်းမြစ်များ

Oseas 11:1

Ko yë Israel kajpn ënäty pyi'k'atynyëm, ntsojkpy nja'apës ijty; yë'ëkyëjxm ko ënäty n'u'unk'atyës, ojtsës nyaxtsoy ets tsyoonëty jap Egiptë.

Romanos 9:4

Yë'ë u'unk'ajt ok'ajtëtëp ja Israel, ets ja Tios të kyupëkëtë tä y'u'unkën. Yë Tios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Tios.

Hebreos 12:23

Näy tëë xymyëwinkontë nimay ja Tios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Tios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Tios ojts pyëjkta'akëtë oy wa'ats,

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Mateo 2:15

Jam ojts tsyëënëtë, koonëm ja Herodes y'o'ky. Jëtu'un tyuunë jyajtë ets y'atëwëty mëti'ipë ja Tios tyukkajpxnajxën ja kyäjpxynyajxpë: Jap Egiptë ojts nmëkäjpxyës ja n'u'unkës.

Éxodo 6:11

Nëjkx ënëëmë yë mëj'ënä'ämpë, ko wä'än t'ëxmatsy yë Israel ja'ayëty jap Egiptë.

Éxodo 7:16

Tääts jap xy'ënëëmëty: Yë Wintsën mëti'ipë yë hebreo ja'ayëty Tyios'ajtëpën, tëëjës xy'ayukmo'oy ets mijts ntuk'ëwaanëty, jëtu'un m'ënë'ëmxëty: Ëxmats yë nnaax nkajpnës, wä'änës min xy'ëwtaty yam wintë'ës'itum. E tyampaat mijts ka'ap mkäjpxyjyä'äkyukë.

Salmos 89:27

Ets ëjts, nmo'ojäämpyës yë kutujkën ets nyaxëty tä yë ajtykyopkën, ets yë'ë nyitënaaytya'ajëp tëkokyë yë ënä'ämpëtëjk jënu'un yajpaatën ënä'ämpë naaxwiiny naaxkëjxy.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Jeremias 2:14

Yë Israel ja'ayëty ka'ap myëtuunpë'atë; ka'ap ojts yë'ë tukmin tukja'tëtë ets mëtuunpë y'itëty. ¿E yë'ë ka'ap yajwinjawë pën jëtu'un, tiitën ko myëtsip xëmë nyitëkëty?

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?