Éxodo 4:21 - Biblia Mixe de Quetzaltepec

²¹ Tä ja Tios t'ënëmaay ja Moisés: Ko mja'tëty jap Egiptë, wa'ats xjyä'ämyäjtsta'ajëty ja mëj'ajtën mëti'ipë mtunëpën ma yajkutujkpën, jëtu'un ijxtëm xynyijawën, ko tëë mijts nmo'oy yë kutujkën ets mëj'ajtën xyaj'ixëtëty. Ëjts mëti'ipës xypyatpën, yë yajkutujkpë ni'ikyës kujuun mpëjkta'aka'any ets ka'ap tsyojkja'akyukëty, jëtu'un'äämpy ka'ap ja Israel ja'ayëty tsojk'ëxmatsëty.

Biblia Dc en Mixe de Quetzaltepec

²¹ Tä ja Dios t'ënëmaay ja Moisés: Ko mja'tëty jap Egiptë, wa'ats xjyä'ämyäjtsta'ajëty ja mëj'ajtën mëti'ipë mtunëpën ma yajkutujkpën, jëtu'un ijxtëm xynyijawën, ko tëë mijts nmo'oy yë kuttujkën ets mëj'ajtën xyaj'ixëtëty. Ëjts mëti'ipës xypyatpën, yë yajkutujkpë ni'ikyës kujuun mpëjkta'aka'any ets ka'ap tsyojkja'akyukëty, jëtu'un'äämpy ka'ap ja Israel ja'ayëty tsojk'ëxmatsëty.

Éxodo 4:21 ပူးပေါင်းရင်းမြစ်များ

Romanos 9:18

Tios pya'ëyoopy yë ja'ay mëti'ipë pya'ëyoowäämpyën ets yajju'unëp ja ja'ay ja y'aaw jyot mëti'ipë ënäty jëtu'un tyuknipëjktakëpën.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënäty të tuk'ëne'emyën ja Moisés.

Juan 12:40

Tëë ja Tios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

Éxodo 14:8

Tios ojts jëtu'un tyajkutuky ets mëj'ënä'ämpë ka'ap ninu'un oy myäyëty tyajëty, tyam tëë ënäty tja'ixy wi'ix ja Israel ja'ayëty të pyëtsëmtën jap Egiptë ets ni'ikyë tpatso'onpë.

Éxodo 9:35

Ja mëj'ënä'ämpë kä'äpyëm kyäjpxyjyä'äykyujkëy, ka'ap ojts ja Israel ja'ayëty t'ëxmatsy tsojk, jëtu'un tä ënäty ja Tios të tnikäjpxyën.

Éxodo 9:12

E yë Tios yë'ë ojts kë'ëm tyajkutuky ets yajkutujkpë ka'ap ninu'un kyäjpxyjyä'äkyukëty ets ka'ap ninu'un timmyëj'ixy ja Moisés ets ja Aarón, jëtu'un ijxtëm ënäty ja Tios të t'ënëëmën ja Moisés.

Éxodo 7:13

Oy jëtu'un jyatuun jyajajtë, yë yajkutujkpë ka'ap ninu'un kyäjpxyjyä'äykyujkëy, jëtu'un tä ënäty ja Tios të tnikäjpxyën.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Éxodo 10:20

Yë Tios yë'ë ojts kë'ëm tuknipëjktaakë ets ja mëj'ënä'ämpë ëxëëk kujuun nyäpyëjkta'akëtëty ets ka'ap tsojk'ëxmatsëty ja Israel kajpn.

Éxodo 7:3

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Tios ja y'aaw y'ayuk; ets jëtu'un ëxëëk jyatë kyëpätë.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Tios ja jyä'ä?

Romanos 1:28

E jä'ä ko ka'ap nijawëjantë ja Tios, paaty ja Tios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Salmos 105:25

E yë'ë ojts näjyëtu'un kë'ëm tyajkutuky ets ja Egiptë ja'ayëty tmëtsiptsoontëty ja Tios ja nyaax kyajpn ets twin'ëëntëty ja tyuunpëtëjk.

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënät ja Wintsën të y'ëtsoyë: oy tääpë winma'any, nëjkx jëtu'un tun.

Deuteronomio 2:36

Ja Aroer kajpn wiinkonpë yajpaatyën ma ja Arnón mëjnëëjën ets ja kajpn jampë joyjyotmën ets jampaat Galaad. Nitu'uk ja naax kajpn ojts nkayajmëta'aktës. Yë Wintsën mëti'ipës nTios'ajtëpën, yë'ë ojts jëtu'un tuknipëjktaakë ets tääpë naax kajpn kya'ata'atëty ma ëëtsëtyën.

Génesis 6:3

Ënät yë Wintsën ojts y'ënä'äny: Ëjts ka'apës jëtu'un nkupëkëty ets naaxwiinyëtë ja'ay jyuuky'atëty xëmëkyëjxm, jä'ä ko yë'ë, xixy yë je'eyë. Paaty je'eyë jyuuky'atëty mëko'px ja i'px jëmëjt.

Éxodo 8:32

Ja mëj'ënä'ämpë ojts kyujuun'o'kojnëpë ets kä'äpyëm t'ëxmajtsy ja Israel ja'ayëty.

Éxodo 10:1

Ënät yë Tios t'ënëmaay yë Moisés: Nëjkx xy'ixy yë yajkutujkpë, ëjts tëëjës ntuknipëjktaakë ets ka'ap jyä'äkyukëty, näjyëtu'un yë wyintsëntëjk, jëtu'un'äämpyts tjëkyäpëty ets ntuk'ixëtyës ja nmëj'ajtënës mëti'ipës ntunäämpy nkajpxäämpyën.

Éxodo 10:27

E yë Tios nän yë'ë kë'ëm tyajkutuky ets ja mëj'ënä'ämpë ka'ap ninu'un jyä'äkyukëty ets ka'ap tsojk'ëxmatsëty ja Israel ja'ayëty.

Éxodo 11:9

Ënät ok ja Tios t'ënëmaay ja Moisés: Yë mëj'ënä'ämpë ninu'un tkamëpëka'any yë m'aaw m'ëyuk, e kajts yë wyi'ixëty oy jëtu'un. Ets jëtu'un'äämpy tjëkyäpëty wi'ixtsowës yë nmëjajtën njaakyaj'ijxkojëtëty, mëti'ipës njaaktunäämpyën yaa Egiptë.

Éxodo 11:10

Yë Moisés ets Aarón ojts ya'atë mëj'ajtën tyaj'ijxta'ajëtë ma mëj'ënä'ämpën, yë Tios yë'ë ënäty të tuknipëjktaakë ets ka'ap tsojk kyäjpxyjyä'äkyukëty, paatykyëjxm ojts ka'ap tsojk t'ëxmajtsy yë Israel ja'ayëty ets jap tsyoontëty Egiptë.

Salmos 78:43

Ko ja myëj'ajtën tyaj'ijxë mëj këjää jam ma Zoan itjotmën, jap Egiptë;

Éxodo 3:19

E ëjts wa'atsës nijawë ko ja mëj ënä'ämpë japë Egiptë tyunyën ka'ap mtsojk'ëxmatsa'anëtë; atsip nëjkx m'ëxmatsëtë.

Éxodo 8:11

Yë nooty jëwa'kta'atëp ënät yam ma myajkutukyën ets jäpyë wyë'ëmtëty mëjnëëjoty. Näyjyëtu'un yë mwintsëntëjkëty ka'ap nëkoo y'ëkyajjotkëjxënëtëty ets näjyëtu'un nitëkokyë yë mja'ayëty.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënäty ja Tios të t'akäjpxyën.

Éxodo 14:17

Ëjts jëtu'un të ntuknipëjktaakës ets Egiptë ja'ayëty yë mëkjot mëkwinma'any tpaatëty ets mpapo'ojëtëty, jëtu'unës yë mëj'ënä'ämpë ntuk'ixa'any yë nmëj'ajtënës mëët nitëkokyë yë tsyiptuunpëtëjk, mëët yë kyepy wintëkäämpë ets mëët yë këwaayëty.