Éxodo 4:16 - Biblia Mixe de Quetzaltepec

¹⁶ Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënäty mijts të xy'ënëëmën.

Biblia Dc en Mixe de Quetzaltepec

¹⁶ Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënety mijts të xy'ënëëmën.

Éxodo 4:16 ပူးပေါင်းရင်းမြစ်များ

Éxodo 18:19

Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Tios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Tios wyintuuy. E mijts yë'ë mpatëp ets ja Tios xytyuk'ëwaanëty mëti'ipë yë'ëj jyotmay'ajtëpën.

Salmos 82:6

Täätsës të n'ëna'any, ko miitsëty jëtu'un mja'ay'atë tä tiosën, ets aakyë'ë m'u'unk'ajtëtëp Ni'ik Këjxmëpë.

Éxodo 4:12

Paaty nëjkx tyam, ëjts mijts njämyëët'atäämpy, ko ënäty mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:30

ja Aarón ojts tnimëtyakta'ay ja aaw ayuk jëtu'un tä ënäty ja Moisés ja Tios të y'ënë'ëmxëtyën, ojts tyaj'ixëtë ja mëj'ajtën mëti'ipë ënäty ja Tios të tyuk'ënä'ämëtën tuntëty.

Jeremias 36:32

Ënät ja Jeremías t'ijxy tu'uk yë noky ets tmooy ja Baruc, mëti'ipë yajjääpyën ets ja Baruc jatëkok tjaaytyääy wi'ix ja Jeremías y'ënä'änyën, yë'ë ja aaw ayuk mëti'ipë ënäty jap të t'ëkjääpyën ma ja mëjëyëjpën mëti'ipë Joaquim yajkutujkpë nyino'kën. Ojts yë Jeremías tjaakyajkëxja'ayë wiinkpë aaw ayuk jëtu'unpë kyäjpxyën.