Éxodo 4:15 - Biblia Mixe de Quetzaltepec

¹⁵ Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Biblia Dc en Mixe de Quetzaltepec

¹⁵ Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Éxodo 4:15 ပူးပေါင်းရင်းမြစ်များ

Isaías 51:16

ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënäty ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Números 23:16

Ënät yë Tios ojts nyänyikëxë'ëkyë ma Balaamën ets tyuk'ëwa'anëyë tii mëpaat tkäjpxyën. Ojts t'ënëëmë: Nëjkx jam ma Balac yajpaatyën ets xytyukmëmëtya'akëty mëti'ipë yam të ntuk'ëwaanën.

Números 23:12

Ënät ja Balaam y'ëtsooy: Ëëts'ajtëm tyaa të näy'ëna'anëmë, ko yi'iyës nikajpxëp mëti'ipës yë Wintsën xytyuk'ëwa'anëpën.

Números 23:5

Ënät ja Wintsën tuk'ëwa'anëtyääy ja Balaam tii mëpaat tkäjpxyën ets t'ënëmaay: Wimpit ma jam yajpaatyën yë Balac ets xytyuk'ëwaanëty tä yam të n'ënëëmën.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

2 Samuel 14:3

Tääts mnëjkxëty jam ënä'ämpë wyintum ets jëtu'un ja ayuk xynyiwinpitëty tä yam naskajpxëja'anyën. E ko ja Joab tuk'ëwa'anëtyääy wi'ix ja to'oxytyëjk y'ëna'anëtyën,

Números 22:38

Ënät ja Balaam ojts y'ëtsoy: Tyaajës të nminy, mijts nimiimpy. Yë'ë ntuk'ëwaanëjäämpy koos ka'apës njëkyepy tii kë'ëmwinma'any nkajpxëty. Yi'iyë nkajpxäämpyës mëti'ipës yë Tios të xytyuk'ëne'emyën.

Éxodo 4:12

Paaty nëjkx tyam, ëjts mijts njämyëët'atäämpy, ko ënäty mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

1 Corintios 11:23

Näy Wintsënës yë ijxpëjkën të xymyo'oy mëti'ipë miits të nmo'otën. Jä'ä koots ma ja Wintsën ënäty yajkë'ëyaka'anyën, jää tkoonë'ky tu'uk ja tsajpkääky.

Deuteronomio 5:31

E mijts wë'ëmës yaa mëët ëjts, jä'ä ko yë'ë yam ntuk'ëwaanëjäämpy tëkokyë ja ënä'ämën tëyajtën, ja kutujkën ets ja aaw ayuk mëti'ipë ënät mnikajpx mnimëtya'akëpën ets yë'ë pyatuntëp, ko ënäty jam yajpatnëtë ma ja naax kajpnën mëti'ipës nmo'ojantëpën ets tjä'ä'atëty.

1 Corintios 15:1

Mëku'uktëjkëty, ja'amyätstë miits ja oy aaw oy ayuk mëti'ipë të ntuk'ëwaanëtën, yë'ë ya'atë aaw ayuk mëti'ipë miits të xykyupëktën ets yë'ë tyam tu'ukyë myaj'ijtëtëp.

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 4:28

Ënät yë Moisés tukmëmëtyaktaay yë Aarón tëkokyë mëti'ipë ënäty yë Tios të tyuk'ëne'emyën tnimëtya'akëty ets ko ënäty të y'ëne'emyë ja Tios ets kanaak ja mëj'ajtën tyaj'ixëtëty.

Éxodo 4:30

ja Aarón ojts tnimëtyakta'ay ja aaw ayuk jëtu'un tä ënäty ja Moisés ja Tios të y'ënë'ëmxëtyën, ojts tyaj'ixëtë ja mëj'ajtën mëti'ipë ënäty ja Tios të tyuk'ënä'ämëtën tuntëty.

Números 16:28

Tä ja Moisés tjaaknikäjpxy ets y'ënaan'ëtëtsy: Ya'atë mëët yajnijawëty ko Tios të xytyuk'ëne'emy ets ntunëtyës tëkokyë ya'atë ets ko ka'apës kë'ëmwinma'any tii ntuny.

1 Samuel 16:3

Ënät xywyowëty ja Jesé ets mjämyëët'atëtëty ma ja wintsë'kën xyaka'anyën ets tyam njaaktuk'ëwaanëty tii mëpaat xytyunyën. Ets xykyënu'kxëty mëti'ipë ënäty ntukni''ijxëpën ets yë'ë y'ënä'ämëty ma Israel kajpnën.

Salmos 51:15

Wintsën, mijts myajkutukëp ets tjëkyäpëty wi'ixës nkajpxëtyën, etsës nkuuy'ëw nkuuyya'axëty mijts yë mmëjajtën.

Jeremias 36:32

Ënät ja Jeremías t'ijxy tu'uk yë noky ets tmooy ja Baruc, mëti'ipë yajjääpyën ets ja Baruc jatëkok tjaaytyääy wi'ix ja Jeremías y'ënä'änyën, yë'ë ja aaw ayuk mëti'ipë ënäty jap të t'ëkjääpyën ma ja mëjëyëjpën mëti'ipë Joaquim yajkutujkpë nyino'kën. Ojts yë Jeremías tjaakyajkëxja'ayë wiinkpë aaw ayuk jëtu'unpë kyäjpxyën.

Salmos 25:12

Ja ja'ay mëti'ipë ja Wintsën yajmëjnajxypën, yë'ë tukni''ijxëyëp ja në'ë tu'u mëti'ipë pyanëjkxëpën;